ఆంధ్రప్రదేశ్‌లో 1058, తెలంగాణలో 961... 
దేశవ్యాప్తంగా మొత్తం 30,041 పోస్టులు ఉండగా... తెలుగు రాష్ట్రాలకు సంబంధించి ఆంధ్రప్రదేశ్‌లో 1058, తెలంగాణలో 961 ఖాళీలు ఉన్నాయి. ఉద్యోగానికి ఎంపికైతే రోజులో కేవలం నాలుగు గంటలు మాత్రమే పని ఉంటుంది. ఈ వర్క్‌తో పాటు ఇండియన్‌  పోస్టల్‌ పేమెంట్‌ బ్యాంకుకు సంబంధించిన సేవలకు ప్రత్యేకంగా ఇన్సెంటివ్‌ అందిస్తారు. విధులు నిర్వర్తించడానికి ల్యాప్‌టాప్‌ తపాలా శాఖ సమకూరుస్తుంది. సైకిల్‌ తొక్కడం కచ్చితంగా వచ్చి ఉండాలి. 

ఇవీ చ‌ద‌వండి: నిరుద్యోగుల‌కు భారీ గుడ్‌న్యూస్‌... ఏపీలో 3,295 పోస్టుల భర్తీకి సీఎం జ‌గ‌న్ గ్రీన్ సిగ్న‌ల్‌

ప‌దిలో వ‌చ్చిన మార్కుల ఆధారంగా...
పదో తరగతిలో సాధించిన మార్కుల ఆధారంగా ఉద్యోగానికి ఎంపిక చేస్తారు. మ్యాథ్స్, ఇంగ్లిష్, స్థానిక భాష సబ్జెక్టుగా ఉండాలి. ఈ ఏడాది ఫిబ్రవరి 16వ తేదీ నాటికి 18 ఏళ్లు నిండిన వారు అలాగే.. 40 ఏళ్లకు మించని వారు దరఖాస్తు చేసుకోవచ్చు. ఎస్సీ, ఎస్టీలకు ఐదేళ్లు, ఓబీసీలకు మూడేళ్లు, దివ్యాంగులకు పదేళ్లు సడలింపు ఉంటుంది. 

జీతం: బీపీఎం పోస్టులకు రూ.12,000–రూ.29,380; ఏబీపీఎం/ డాక్‌ సేవక్‌ పోస్టులకు రూ.10,000–రూ.24,470 మధ్య వేతనం ఉంటుంది.

ఎంపిక విధానం: అభ్యర్థులు పదో తరగతిలో సాధించిన మార్కుల మెరిట్‌ ప్రకారం నియామకాలు చేపడతారు. ప్రకటనలో ఖాళీలు ఉన్న బ్రాంచీలు, ఏ హోదాలో ఖాళీ ఉంది, రిజర్వ్‌డ్‌/ అన్‌  రిజర్వ్‌డ్‌ వివరాలు పేర్కొన్నారు. వాటిని అభ్యర్థులు పరిశీలించి, తమ ప్రాధాన్యం ప్రకారం ఆప్షన్లు ఇచ్చుకోవాలి. మొదటి ప్రాధాన్యం ఇస్తున్నదానికి ఆప్షన్‌ 1 తర్వాత దానికి ఆప్షన్‌ 2... ఇలా నింపాలి. అవకాశాన్ని బట్టి వీటిలో ఏదో ఒకచోట పోస్టింగ్‌ కేటాయిస్తారు. ఎంపికైనవారికి సమాచారం ఎస్‌ఎంఎస్‌/ ఈమెయిల్‌/ పోస్టు ద్వారా అందుతుంది.

ఇవీ చ‌ద‌వండి: గ్రూప్-1 ప్రిలిమ్స్ పరీక్ష రద్దుపై ముగిసిన వాద‌న‌లు.. తీర్పు రిజ‌ర్వ్ చేసిన హైకోర్టు

దరఖాస్తు ఫీజు: ఎస్సీ, ఎస్టీ, దివ్యాంగులు, ట్రాన్స్‌ఉమెన్‌లకు ఫీజు చెల్లింపు లేదు. మిగిలిన అభ్యర్థులు రూ.వంద చెల్లించాలి. దరఖాస్తు ఆన్‌లైన్‌ ద్వారా చేసుకోవాలి.

బ్రాంచ్‌ పోస్టు మాస్టర్‌(బీపీఎం): ఈ పోస్టుకు ఎంపికైనవారు సంబంధిత బ్రాంచ్‌ కార్యకలాపాలు పర్యవేక్షించాలి. పోస్టల్‌ విధులతోపాటు ఇండియా పోస్టు పేమెంట్‌ బ్యాంకు వ్యవహారాలూ చూసుకోవాలి. తపాలాకు సంబంధించిన మార్కెటింగ్‌ వ్యవహారాలు చూసుకుంటూ... పోస్టల్‌ పథకాలను ప్రజల వద్దకు తీసుకెళ్లాలి.

అసిస్టెంట్‌ బ్రాంచ్‌ పోస్టుమాస్టర్‌(ఏబీపీఎం): ఈ ఉద్యోగంలో చేరినవాళ్లు స్టాంపులు/ స్టేషనరీ అమ్మకం, ఉత్తరాలు పంపిణీ జరిగేలా చూడటం, ఇండియన్‌  పోస్టు పేమెంట్‌ బ్యాంకుకు సంబంధించిన డిపాజిట్లు, పేమెంట్లు, ఇతర లావాదేవీలు చక్కబెట్టాలి.

ఇవీ చ‌ద‌వండి: సీజీపీడీటీఎంలో 553 ఉద్యోగాలు.. ప్రిలిమినరీ, మెయిన్‌ పరీక్షలు, ఇంటర్వ్యూల ద్వారా ఎంపిక..

డాక్‌ సేవక్‌: ఈ విధుల్లో చేరినవారు ఉత్తరాలు పంపిణీ చేయాలి. అలాగే స్టాంపులు/ స్టేషనరీ అమ్మకాలు చేయాలి. బీపీఎం, ఏబీపీఎం సూచించిన పనులు పూర్తిచేయాలి. రైల్వే మెయిల్‌ సర్వీస్, పోస్టల్‌ పేమెంట్‌ బ్యాంకు విధులు చూసుకోవాలి. పోస్టల్‌ పథకాలు ప్రచారం చేయాలి.

ఆన్‌లైన్‌ దరఖాస్తు ప్రారంభం: 03.08.2023.

ఆన్‌లైన్‌ దరఖాస్తుకు చివరితేదీ: 23.08.2023.

దరఖాస్తు సవరణలకు అవకాశం: 24.08.2023 నుంచి 26.08.2023 వరకు.

అభ్య‌ర్థులు indiapostgdsonline.gov.in వెబ్‌సైట్‌లో అప్లై చేసుకోవ‌చ్చు.