TSPSC Group 2 Problems : గ్రూప్‌-2లో ఈ 13000 మంది అభ్యర్థుల సంగ‌తి ఏమిటి...? ఇన్‌వాలిడ్‌కు కారణం ఇదేనా..?

తాజా విడుద‌ల చేసిన‌ గ్రూప్‌-2 మార్కుల జాబితాలో... 13 వేల మందికిపైగా అభ్యర్థులను ఇన్‌వాలిడ్‌గా ఎందుకు ప్రకటించారని.. బీఆర్‌ఎస్‌ ఎమ్మెల్సీ కల్వకుంట్ల కవిత పేర్కొన్నారు. గ్రూప్‌-2లో ఆ 13 వేల మంది అభ్యర్థుల ఫలితాలను ఎందుకు వెల్లడించలేదో తేల్చాలని డిమాండ్‌ చేశారు.

☛➤ TGPSC Group 1, 2 Ranker Success Story : టీచ‌ర్ టూ... గ్రూప్-1 స్థాయి అధికారిగా అయ్యానిలా.. ఆ సంఘటన న‌న్ను కదిలించింది...

గ్రూప్‌-1లో కూడా...
అలాగే టీఎస్‌పీఎస్సీ గ్రూప్‌-1 పరీక్షల ఫలితాలపై అభ్యర్థులు లేవనెత్తుతున్న పలు అనుమానాలను తెలంగాణ రాష్ట్ర ప్రభుత్వం, పబ్లిక్‌ సర్వీస్‌ కమిషన్‌ నివృత్తి చేయాలని ఎమ్మెల్సీ కల్వకుంట్ల కవిత డిమాండ్‌ చేశారు. 

గ్రూప్‌-1, గ్రూప్‌-2, గ్రూప్‌-3 పరీక్షలల్లో అవకతవకల ఆరోపణల నేపథ్యంలో రాష్ట్రంలోని 11 యూనివర్సిటీలకు చెందిన విద్యార్థి ప్రతినిధులు మార్కి 17వ తేదీన (ఆదివారం) ఎమ్మెల్సీ కవితను కలిశారు. గ్రూప్‌-1, 2 ఫలితాలపై ఉన్న పలు అనుమానాలను ప్రభుత్వ దృష్టికి తీసుకెళ్లాలని, శాసనమండలిలో ఈ అంశాలను లేవనెత్తాలని వారు ఆమెకు విజ్ఞప్తి చేశారు. అలాగే గ్రూప్స్‌ పరీక్షలు, ఫలితాలకు సంబంధించిన వివిధ అంశాలపై ఆమెతో చర్చించారు. 

☛➤ TGPSC Group 2 Topper Success Story : ఈమె గ‌వ‌ర్న‌మెంట్ ఉద్యోగాల‌కు పరీక్ష రాస్తే విజయం ఖాయమే... కానీ...!

ఈ సమస్య వ‌ల్ల‌నే..
ఈ సందర్భంగా ఎమ్మెల్సీ కవిత మాట్లాతూ... ట్రాన్స్‌లేషన్‌ సమస్య వల్ల ప్రొఫెసర్లు, డిగ్రీ కాలేజ్‌ లెక్చరర్లు సరిగా మూల్యాంకనం చేయలేకపోయారని, దాని ఫలితంగా మారుల్లో వ్యత్యాసాలు ఏర్పడ్డాయని విద్యార్థులు ఆందోళన చెందుతున్నారని తెలిపారు. గ్రూప్‌-1 పరీక్షల్లో ప్రిలిమ్స్‌కి ఒక హాల్‌టికెట్‌, మెయిన్స్‌కి మరో హాల్‌టికెట్‌ నంబరు కేటాయించడం వల్ల విద్యార్థులు అనుమానాలు వ్యక్తం చేస్తున్నారని తెలిపారు.గ్రూప్‌-1 పేపర్ల మూల్యాంకనంలో తెలుగు మీడియం అభ్యర్థులకు అన్యాయం జరిగిందని విద్యార్థులు తన దృష్టికి తీసుకొచ్చారని చెప్పారు.