నాన్న ముగ్గురు బిడ్డలకూ ఒక్కటే మాట పదేపదే చెప్పారు. చదువు.. చదువు.. చదువు.. ఆ ముగ్గురికీ అదే తారకమంత్రమైంది. మిషినరీ, సర్కారు బడులు, కాలేజీల్లో చదువుకున్నప్పటికీ ముగ్గురూ గ్రూప్–1, 2 ఉద్యోగాలు సాధించారు. ఆ ముగ్గురిలో ఓ విద్యార్థి డాక్టర్‌ అవ్వాలనుకున్నారు.. ఇంటర్‌లో బైపీసీ తీసుకున్నారు.. కానీ ఎంసెట్‌లో వచ్చిన ర్యాంక్‌కి డొనేషన్ కట్టాలి.. అంత సొమ్ము లేకపోవడంతో ఏమీ నిరుత్సాహపడలేదు.. చక్కగా డిగ్రీ పూర్తి చేశారు. ఆ తర్వాత పీజీ వైపు చూడలేదు. పోటీ పరీక్షలకు సిద్ధమయ్యారు. కష్టం ఫలించి మొదటి ప్రయత్నంలోనే గ్రూప్–1 పరీక్షల్లో స్టేట్‌ 8వ ర్యాంక్ సాధించారు. డీఎస్పీ అయ్యారు.. సర్వీస్‌లోకి వచ్చిన కేవలం ఎనిమిదేళ్ల వ్యవధిలోనే ఏకంగా ముఖ్యమంత్రి చీఫ్‌ సెక్యూరిటీ ఆఫీసర్‌ వరకు ఎదిగారు.. ఆయనెవరో కాదు.. తిరుపతి జిల్లా ఎస్పీ పోతన్నగారి పరమేశ్వరరెడ్డి. ఈయ‌న‌తో సాక్షి ప్రత్యేక ఇంట‌ర్య్వూ మీకోసం..
Inspirational Story: ఫెయిలై సక్సెస్‌ అయిన వ్యక్తుల్లో నేనొకరిని.. ఈ ఒక్క మార్కు వ‌ల్లే..
కుటుంబ నేపథ్యం:
మాదో చిన్న పల్లెటూరు. ఐదు వందల గడపలు మాత్రమే ఉంటాయి. నాన్న కేంద్ర ప్రభుత్వ రంగ సంస్థ ఫుడ్‌కార్పొరేషన్‌ ఆఫ్‌ ఇండియా(ఎఫ్‌సీఐ)లో చిరుద్యోగిగా పని చేశారు. అమ్మ గృహిణి. మేం ముగ్గురు పిల్లలం. అక్క శ్రీలక్ష్మి ఇండియన్‌ ఫారెస్ట్‌ సర్వీస్‌(ఐఎఫ్‌ఎస్‌) అధికారి. చెల్లి నాగజ్యోతి గ్రూప్–2 ఆఫీసర్‌. వ్యవసాయ నేపథ్యంలో కలిగిన మా కుటుంబంలో ఎస్‌ఎస్‌ఎల్‌సీ చదివిన ప్రథమ వ్యక్తి మా నాన్నే. సాగునీరు సరిగా లేక, బీడు భూముల్లో వ్యవసాయం చేయలేక ఊళ్లో రైతుల కష్టాలను కళ్లారా చూసిన వ్యక్తిగా ఆయన మాకెప్పుడూ చదువు విలువను తెలియజేస్తూ ఉన్నత విద్య దిశగా నడిపించారు.
Success Story : రూ.50వేలు తీసుకుని హైదరాబాద్‌కు వచ్చా.. గ్రూప్–1 కొట్టా..
నా ఎడ్యుకేషన్ అంతా..
ఒకటి నుంచి ఐదో తరగతి వరకు అనంతపురం పట్టణంలోని సెయింట్‌ అగస్టీన్‌ స్కూల్లో విద్యనభ్యసించా. ఆరు నుంచి పదో తరగతి వరకు ఎల్‌ఆర్‌జి హైస్కూల్‌లో, ఇంటర్‌లో బైపీసీ తీసుకుని శ్రీసత్యసాయిబాబా జూనియర్‌ కళాశాలలో చదివాను. ఎంబీబీఎస్‌లో చేరేందుకు ఎంసెట్‌ రాసినా డొనేషన్‌తో చేరే ర్యాంక్ వచ్చింది. కానీ నాన్నకు ఆర్థిక భారం కాకూడదనుకున్నా. ప్రభుత్వ డిగ్రీ కళాశాలలో బయోటెక్నాలజీలో బీఎస్సీ పూర్తి చేశాను. ఆ తర్వాత పీజీ కోసం వెంపర్లాడలేదు. డిగ్రీ పూర్తి కాగానే గ్రూప్స్‌కు సిద్ధమయ్యాను.
TSPSC& APPSC Groups: గ్రూప్స్‌లో గెలుపు బాట కోసం.. ప్ర‌ముఖ స‌బ్జెక్ట్ నిపుణుల సూచ‌న‌లు- సలహాలు ..
ఈ కాలేజీలోనే కీలక మ‌లుపు..
అనంతపురంలోని ప్రభుత్వ డిగ్రీ కళాశాలకు ఎంతో ఘన చరిత్ర ఉంది. రాష్ట్రపతులు సర్వేపల్లి రాధాకృష్ణ, నీలం సంజీవరెడ్డి ఇక్కడే చదువుకున్నారు. సంజీవరెడ్డి అయితే ఇక్కడ అధ్యాపకులుగా కూడా పనిచేశారు. డీజీపీలుగా పనిచేసిన జేవీరాముడు, అరవిందరావు కూడా ఇక్కడే చదివారు. ఇలా ఎందరో విద్యార్థులు ఇక్కడ చదివి ఐఏఎస్‌లు, ఐపీఎస్‌లుగా దేశవ్యాప్తంగా సేవలు అందించారు. ఆ స్ఫూర్తితోనే కళాశాలలో డిగ్రీ చదువుతుండగానే గ్రూప్స్‌కు ప్రిపేర్‌ అయ్యాను. ఇక కళాశాలలో చదువుతున్న రోజుల్లో అనంతపురం ఎస్పీగా పనిచేసిన స్టీఫెన్‌ రవీంద్రకి పబ్లిక్‌లో ఉన్న క్రేజ్‌ చూసి పోలీసైతే బాగుండని అనుకున్నా.
Success Story: గ్రూప్-1లో టాప్ ర్యాంక్ కొట్టానిలా..
ఈ క్షణాలను ఎప్పటికీ మర్చిపోలేను..
2008లో గ్రూప్–1కి ఎంపికైన అభ్యర్థులను అప్పటి ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి వద్దకు తీసుకెళ్లారు. ఆయనలోని రాజసం, ముఖంపై చిరునవ్వు నన్ను ఎంతగానో ఆకర్షించాయి. ఆయన్ని అలా చూస్తూ ఉండిపోయా. ప్రజలకు సేవ చేసేందుకు దేవుడు ఇచ్చిన గొప్ప అవకాశం ప్రభుత్వోద్యోగం. నిజాయితీగా, నిబద్ధతతో పనిచేయాలని ఆయన చెప్పిన మాటలు, ఆయన్ను చూసిన క్షణాలు ఎప్పటికీ మర్చిపోలేని జ్ఞాపకాలు.
Success Story: తొలి ప్రయత్నంలోనే..ఎలాంటి కోచింగ్‌ లేకుండా..22 ఏళ్లకే సివిల్స్..
ఈయ‌న ఆప్యాయతకు..
ముఖ్యమంత్రి సీఎస్‌ఓగా బాధ్యతలు నిర్వర్తించే అవకాశం అందరికీ రాదు. అరుదుగా వచ్చే ఈ అవకాశం నాకు త్వరగా వరించిందనే చెప్పాలి. తన దగ్గర పనిచేసే ప్రతి ఒక్కరి పట్ల సీఎం వైఎస్‌ జగన్‌ ఎంతో ఆప్యాయంగా ఉంటారు. ఉద్యోగుల్లా కాకుండా కుటుంబ సభ్యుల్లా చూస్తారు.
Success Story: నోటిఫికేషన్ చూశాకే.. గ్రూప్-2 పై దృష్టి పెట్టి.. సాధించానిలా..
పరీక్షల్లో ఫెయిల్ అయితే..
విద్యార్థి దశ చాలా కీలకం. ఆ సమయంలో ప్రశాంతంగా.. ప్రణాళికా బద్ధంగా చదివితే ఉన్నత లక్ష్యాలను సులువుగా అందుకోవచ్చు. పరీక్షల్లో ఫెయిల్ అయ్యామనో, లక్ష్యం గురితప్పిందనో నిరాశ చెందకూడదు. కనీస సౌకర్యాలు లేని గ్రామాల నుంచి ఉన్నత శిఖరాలకు చేరుకున్న ఎందరో గొప్ప వ్యక్తులే మనకు ఆదర్శం.
Success Story: పేదరికం అడ్డుపడి.. వేధించిన నా ల‌క్ష్యాన్ని మాత్రం మరువ‌లేదు..
మ‌రికొన్ని వివ‌రాలు..
పేరు: పోతన్నగారి పరమేశ్వరరెడ్డి
పుట్టిన తేది: 30.07.1983
తల్లిదండ్రులు: నాగలక్ష్మి, నారాయణరెడ్డి
సొంతూరు: పులేటిపల్లె గ్రామం, సీకేపల్లి మండలం, అనంతపురం జిల్లా
భార్య: సాయిప్రసన్న(ప్రకాశం జిల్లా)
పిల్లలు: ధాత్రిసాయిరెడ్డి, వైభవ్‌
విద్యాభ్యాసం: డిగ్రీ
హాబీలు: సినిమాలు చూడటం
Chaitra Varshini, RDO : ఈ మూడు వ్యూహాలు పాటిస్తే గ్రూప్స్‌లో విజయం ఖాయమే..!
ఉద్యోగ ప్రస్థానం ఇలా..:
2008లో నిర్వహించిన గ్రూప్–1 పరీక్షల్లో మొదటి ప్రయత్నంలోనే రాష్ట్ర స్థాయిలో ఎనిమిదో ర్యాంక్ వచ్చింది. శిక్షణ పూర్తయిన తర్వాత 2011లో మొదటి పోస్టింగ్‌ కృష్ణా జిల్లా గుడివాడ డీఎస్పీగా వచ్చింది.
ఆ తర్వాత వరుసగా..
➤ గ్రేహౌండ్స్‌ కమాండర్‌
➤ కరీంనగర్‌ జిల్లా జగిత్యాల డీఎస్పీ
➤ తెలంగాణాలో సీఐడీ డీఎస్పీ
➤ నెల్లూరు ఏసీబీ డీఎస్పీ
➤ 2018: ఏఎస్పీగా పదోన్నతి. నెల్లూరులోనే అడ్మిన్‌ ఏఎస్పీగా బాధ్యతలు
➤ 2019: వైఎస్‌ జగన్‌మోహన్‌రెడ్డి ముఖ్యమంత్రిగా బాధ్యతలు స్వీకరించిన వెంటనే సీఎం ముఖ్య భద్రతాధికారిగా అవకాశం. రెండేళ్ల పాటు విధులు.
➤ 2021: ఐపీఎస్‌కి ఎంపిక.
➤ 2022: తిరుపతి జిల్లా ఎస్పీగా నియామకం.
Success Story: ఫ‌స్ట్ ర్యాంక్ సాధించా .. ఆర్‌టీఓగా ఉద్యోగం కొట్టా..
More Articles
