థామస్‌ కప్‌ బ్యాడ్మింటన్‌ టీమ్‌ టోర్నమెంట్‌–2022లో భారత పురుషుల బ్యాడ్మింటన్‌ జట్టు అత్యుత్తమ ప్రదర్శన నమోదు చేసింది. దీంతో 1949లో మొదలైన ఈ మెగా ఈవెంట్‌లో టీమిండియా తొలిసారి ఫైనల్లోకి అడుగు పెట్టింది. థాయ్‌లాండ్‌ రాజధాని బ్యాంకాక్ వేదికగా మే 13న మాజీ చాంపియన్‌ డెన్మార్క్‌ జట్టుతో జరిగిన సెమీఫైనల్లో భారత్‌ 3–2తో విజయం సాధించింది. మరో సెమీఫైనల్లో 14 సార్లు విజేత ఇండోనేసియా 3–2తో మాజీ విజేత జపాన్‌ను ఓడించి మే 14న జరిగే టైటిల్‌ పోరులో భారత్‌తో తలపడేందుకు సిద్ధమైంది.
GK National Quiz: తెలంగాణలో పరీక్షించిన భారతదేశపు ఆటోమేటిక్ రైలు ఢీకొనే రక్షణ వ్యవస్థ పేరు?
భారత ఆటగాళ్లు హెచ్‌ఎస్‌ ప్రణయ్, పంజాల విష్ణువర్ధన్‌ ఏ క్రీడలో ప్రసిద్ధులు?
భారత్‌–డెన్మార్క్‌ మ్యాచ్‌లు ఇలా..
- మొదటి మ్యాచ్‌: భారత నంబర్వన్, ప్రపంచ తొమ్మిదో ర్యాంకర్ లక్ష్య సేన్‌ 49 నిమిషాల్లో 13–21, 13–21తో ప్రపంచ నంబర్వన్ విక్టర్‌ అక్సెల్‌సన్‌(డెన్మార్క్‌) చేతిలో ఓడిపోయాడు.
- రెండో మ్యాచ్‌: రెండో మ్యాచ్‌లో సాత్విక్‌ సాయిరాజ్‌–చిరాగ్‌ శెట్టి ద్వయం(భారత్‌) 21–18, 21–23, 22–20తో కిమ్‌ ఆస్‌ట్రప్‌–మథియాస్‌ క్రిస్టియాన్సన్‌(డెన్మార్క్‌) జంటను ఓడించింది.
- మూడో మ్యాచ్‌: ప్రపంచ మూడో ర్యాంకర్ ఆండెర్స్‌ ఆంటోన్సెన్‌(డెన్మార్క్‌)తో జరిగిన ఈ మ్యాచ్‌లో ప్రపంచ 11వ ర్యాంకర్, ప్రపంచ మాజీ నంబర్వన్, ఆంధ్రప్రదేశ్‌ ఆటగాడు కిడాంబి శ్రీకాంత్‌ 80 నిమిషాల్లో 21–18, 12–21, 21–15తో గెలుపొందాడు.
- నాలుగో మ్యాచ్‌: ఈ మ్యాచ్‌లో ఆండెర్స్‌ రస్‌ముసెన్‌–ఫ్రెడెరిక్‌ ద్వయం(డెన్మార్క్‌) 21–14, 21–13తో పంజాల విష్ణువర్ధన్‌ గౌడ్‌–గారగ కృష్ణప్రసాద్‌ జంట(భారత్‌)ను ఓడించింది.
- ఐదో మ్యాచ్‌: ప్రపంచ 13వ ర్యాంకర్ రస్‌ముస్‌ జెమ్కె(డెన్మార్క్‌)తో జరిగిన మ్యాచ్‌లో 23వ ర్యాంకర్ హెచ్‌ఎస్‌ ప్రణయ్(భారత్‌) 73 నిమిషాల్లో 13–21, 21–9, 21–12తో గెలుపొంది భారత్‌ను తొలిసారి థామస్‌ కప్‌లో ఫైనల్‌కు చేర్చాడు.
Shooting: జూనియర్‌ ప్రపంచకప్‌లో స్వర్ణ పతకాలు గెలిచిన భారతీయులు?
క్విక్‌ రివ్యూ :
ఏమిటి : థామస్‌ కప్‌ బ్యాడ్మింటన్‌ టీమ్‌ టోర్నమెంట్‌ తొలిసారి ఫైనల్‌కు అర్హత
ఎప్పుడు : మే 13
ఎవరు : భారత జట్టు
ఎక్కడ : బ్యాంకాక్, థాయ్‌లాండ్‌
ఎందుకు : మాజీ చాంపియన్‌ డెన్మార్క్‌ జట్టుతో జరిగిన సెమీఫైనల్లో భారత్‌ 3–2తో విజయం సాధించినందున..
More Articles
Most Read
