Shooting: జూనియర్‌ ప్రపంచకప్‌లో స్వర్ణ పతకాలు గెలిచిన భారతీయులు?

జర్మనీలోని సుహ్ల్‌ వేదికగా జరుగుతోన్న జూనియర్‌ ప్రపంచకప్‌ షూటింగ్‌ టోర్నమెంట్‌–2022 టీమ్‌ ఈవెంట్స్‌లో మే 13న భారత్‌కు నాలుగు స్వర్ణ పతకాలు లభించాయి.

పురుషుల ఎయిర్‌ రైఫిల్‌ టీమ్‌ విభాగంలో..
పురుషుల 10 మీటర్ల ఎయిర్‌ రైఫిల్‌ టీమ్‌ విభాగంలో ఉమామహేశ్, పార్థ్, రుద్రాం„Š లతో కూడిన భారత జట్టు.. ఫెనల్లో 16–8తో స్పెయిన్‌ జట్టును ఓడించి విజేతగా నిలిచి, స్వర్ణ పతకం కైవసం చేసుకుంది. ఆంధ్రప్రదేశ్‌లోని విజయవాడకు చెందిన 17 ఏళ్ల మద్దినేని ఉమామహేశ్‌  కేఎల్‌ యూనివర్సిటీలో బీటెక్‌ తొలి సంవత్సరం చదువుతున్నాడు.

మహిళల ఎయిర్‌ పిస్టల్‌ టీమ్‌ విభాగంలో..
మహిళల 10 మీటర్ల ఎయిర్‌ పిస్టల్‌ టీమ్‌ విభాగంలో ఇషా సింగ్, పలక్, మనూ భాకర్‌లతో కూడిన భారత జట్టు.. ఫైనల్లో 16–8తో జార్జియా జట్టుపై గెలిచి, పసిడి పతకం కైవసం చేసుకుంది. ఇషా సింగ్‌ తెలంగాణకి చెందిన అమ్మాయి.

మహిళల ఎయిర్‌ రైఫిల్‌ టీమ్‌ విభాగంలో..
మహిళల 10 మీటర్ల ఎయిర్‌ రైఫిల్‌ టీమ్‌ ఫైనల్లో రమిత, జీనా ఖిట్టా, ఆర్యా బోర్సెలతో కూడిన భారత జట్టు 17–9తో దక్షిణ కొరియా జట్టును ఓడించి స్వర్ణం సొంతం చేసుకుంది.

పురుషుల ఎయిర్‌ పిస్టల్‌ టీమ్‌ విభాగంలో..
పురుషుల 10 మీటర్ల ఎయిర్‌ పిస్టల్‌ టీమ్‌ ఈవెంట్‌ ఫైనల్లో సౌరభ్‌ చౌదరీ, శివ, సరబ్‌జీత్‌లతో కూడిన భారత జట్టు 17–9తో ఉజ్బెకిస్తాన్‌ జట్టుపై గెలిచి నాలుగో పసిడి పతకాన్ని అందించింది.​​​​​​​

GK Economy Quiz: భారతదేశంలో ప్రస్తుతం అతిపెద్ద బొగ్గు ఉత్పత్తి సంస్థగా ఉన్నది?Shooting: ఐఎస్‌ఎస్‌ఎఫ్‌ జూనియర్‌ వరల్డ్‌కప్‌లో స్వర్ణం గెలిచిన భారతీయుడు?​​​​​​​

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌