Wimbledon 2024: వరుసగా రెండో ఏడాది వింబుల్డన్‌ సింగిల్స్‌ టైటిల్‌ను సొంతం చేసుకున్న అల్కరాజ్.. ప్రైజ్ మనీ ఎంతో తెలుసా..

Sakshi Education

21 ఏళ్ల స్పెయిన్ స్టార్ కార్లోస్ అల్కరాజ్ వరుసగా రెండో ఏడాది వింబుల్డన్ గ్రాండ్‌స్లామ్ పురుషుల సింగిల్స్ టైటిల్‌ను సొంతం చేసుకున్నాడు.

Dominant Carlos Alcaraz blows away Novak Djokovic to retain title Carlos Alcaraz, Wimbledon Men's Singles Champion Carlos Alcaraz with Wimbledon Trophy

జూలై 14వ తేదీ జరిగిన ఫైనల్లో, మూడో సీడ్ అల్కరాజ్ 2 గంటల 27 నిమిషాల పోరులో రెండో సీడ్, 24-గ్రాండ్‌స్లామ్ సింగిల్స్ టైటిల్స్ విజేత నోవాక్ జోకోవిచ్ (సెర్బియా)పై 6-2, 6-2, 7-6 (7/4)తో ఘన విజయం సాధించాడు.

అల్‌కరాజ్‌ కెరీర్‌లో ఇది నాలుగో గ్రాండ్‌స్లామ్‌ సింగిల్స్‌ టైటిల్‌. అతను 2022లో యూఎస్‌ ఓపెన్, 2023లో వింబుల్డన్, 2024లో ఫ్రెంచ్, వింబుల్డన్‌ టోర్నీలను సాధించాడు. ఈ గెలుపుతో, అల్కరాజ్ ప్రపంచ ర్యాంకింగ్‌లో మొదటి స్థానానికి చేరుకోవడానికి మరింత దగ్గరగా వచ్చాడు. 27 ఏళ్ల జోకోవిచ్, ఈ ఓటమితో ర్యాంకింగ్స్‌లో మూడో స్థానానికి పడిపోయాడు.

అల్కరాజ్‌కు భారీ ప్రైజ్ మనీ: ఈ విజయంతో అల్కరాజ్‌కు 27 లక్షల పౌండ్ల (రూ. 29 కోట్ల 23 లక్షలు) భారీ ప్రైజ్ మనీ లభించింది. రన్నరప్ జోకోవిచ్‌కు 14 లక్షల పౌండ్ల (రూ. 15 కోట్ల 15 లక్షలు) లభించాయి.

6 ఓపెన్‌ శకంలో ఒకే ఏడాది ఫ్రెంచ్‌ ఓపెన్, వింబుల్డన్‌ టోర్నీ టైటిల్స్‌ సాధించిన ఆరో ప్లేయర్‌ అల్‌కరాజ్‌. గతంలో రాడ్‌ లేవర్‌ (ఆ్రస్టేలియా; 1969లో), జాన్‌ బోర్గ్‌ (స్వీడన్‌; 1978, 1979, 1980లలో), రాఫెల్‌ నాదల్‌ (స్పెయిన్‌; 2008, 2010లలో), ఫెడరర్‌ (స్విట్జర్లాండ్‌; 2009లో), జొకోవిచ్‌ (సెర్బియా; 2021లో) ఈ ఘనత సాధించారు.

Wimbledon Women's Title Winner: వింబుల్డన్ టైటిల్‌ను సొంతం చేసుకున్న చెక్ రిపబ్లిక్‌ మొదటి మహిళ ఈమెనే..

Published date : 15 Jul 2024 04:56PM