Space Station: ఏ సినిమా కోసం అంతరిక్షంలో షూటింగ్ జరపనున్నారు?
![Challenge-Movie](/sites/default/files/images/2021/10/06/challenge-movie-1633513891.jpg)
తొలిసారిగా భూకక్ష్యలో సినిమా షూటింగ్ జరగనుంది. ఇందుకోసం రష్యా నటి, సినిమా డైరెక్టర్ అక్టోబర్ 5న అంతర్జాతీయ అంతరిక్ష కేంద్రం (ఐఎస్ఎస్)కు చేరుకున్నారు. కజకిస్తాన్లోని బైకనూర్ అంతరిక్ష కేంద్రం నుంచి నింగిలోకి ఎగిసిన సోయుజ్ అంతరిక్ష నౌక ద్వారా ఐఎస్ఎస్కు చేరుకున్నారు. ఈ బృందంలో నటి యులియా పెరెసిల్డ్(37), దర్శకుడు క్లిమ్ షిపెంకో(38)తోపాటు వ్యోమగామి అంటోన్ ష్కాప్లెరోవ్ ఉన్నారు. ఇప్పటికే మూడు పర్యాయాలు అంతరిక్షంలోకి వెళ్లి వచ్చిన అంటోన్ ఈ ప్రయాణానికి నాయకత్వం వహించారు.
ఛాలెంజ్ సినిమా కోసం...
ఛాలెంజ్ అనే పేరున్న సినిమాలో నటి యులియా సర్జన్గా నటిస్తున్నారు. అంతరిక్ష కేంద్రంలోని ఒక సభ్యుడికి గుండెపోటు రావడంతో ఆమె అక్కడికి వెళ్లి చికిత్స అందించే సన్నివేశాలను చిత్రీకరిస్తారు. ఇప్పటికే ఐఎస్ఎస్లో ఉన్న నోవిట్స్కీ, పీటర్ డుబ్రోవ్ సినిమాలోని కొన్ని సన్నివేశాల్లో నటించనున్నారు. నోవిట్స్కీ గుండెపోటుకు గురైన వ్యోమగామి పాత్ర పోషించనున్నారు. అక్టోబర్ 17వ తేదీన భూమికి చేరుకుని, సినిమాలోని మిగతా సన్నివేశాలను షూట్ చేస్తారు. ఈ ప్రయాణం కోసం నాలుగు నెలల నుంచి కఠిన శిక్షణ పొందారు.
చానెల్ వన్ నిర్మాణంలో...
‘ఛాలెంజ్’ను రష్యా అంతరిక్ష సంస్థ రోస్కాస్మోస్ సాయంతో ప్రభుత్వ టీవీ ‘చానెల్ వన్’ నిర్మిస్తోంది. ఈ మిషన్ రష్యా శక్తి, సామర్థ్యాలను మరోసారి ప్రపంచానికి చాటి చెబుతుందని రష్యా ప్రభుత్వ ప్రతినిధి దిమిత్రీ పెస్కోవ్ అన్నారు.
చదవండి: జిక్రోన్ క్రూయిజ్ క్షిపణులను పరీక్షించిన దేశం?
క్విక్ రివ్యూ :
ఏమిటి : అంతరిక్షంలో సినిమా షూటింగ్
ఎప్పుడు : అక్టోబర్ 5
ఎవరు : రష్యా దేశస్థులు
ఎక్కడ : అంతర్జాతీయ అంతరిక్ష కేంద్రం (ఐఎస్ఎస్)
ఎందుకు : రష్యా అంతరిక్ష సంస్థ రోస్కాస్మోస్ సాయంతో రష్యా ప్రభుత్వ టీవీ ‘చానెల్ వన్’ నిర్మిస్తోన్న ఛాలెంజ్ సినిమా కోసం...
డౌన్లోడ్ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్తో పాటు తరగతులకు(అకాడెమిక్స్) సంబంధించిన స్టడీ మెటీరియల్ను పొందడానికి, కెరీర్ అవకాశాలను తెలుసుకోవడానికి సాక్షి ఎడ్యుకేషన్ యాప్ను ఇప్పుడే డౌన్లోడ్ చేసుకోండి.
యాప్ డౌన్లోడ్ ఇలా...
డౌన్లోడ్ వయా గూగుల్ ప్లేస్టోర్
డౌన్లోడ్ వయా ఆపిల్ ఐ స్టోర్