EverGreen: కంపెనీ అంటే ఇలా ఉండాలి... ఉద్యోగుల‌కు ఐదేళ్ల జీతం బోన‌స్‌

తైవాన్ షిప్పింగ్ కంపెనీ ‘ఎవర్‌గ్రీన్ మెరైన్’ ఉద్యోగులకు కళ్లు చెదిరేలా భారీ బోనస్‌ అందిస్తోంది. ఒకటి.. రెండు కాదు.. ఏకంగా ఐదు సంవత్సరాల జీతాన్ని కంపెనీలో పనిచేస్తున్న 3,100 మంది ఉద్యోగులకు బోనస్‌గా ఇస్తున్న‌ట్లు ఆస్ట్రేలియాకు చెందిన ఓ న్యూస్ వెబ్‌సైట్ తెలిపింది. అలాగే ఈ ఏడాది శాల‌రీ హైక్ కూడా భారీగా ఉండే అవ‌కాశం ఉన్న‌ట్లు వెల్ల‌డించింది. ఎవర్‌గ్రీన్ కంపెనీకి చెందిన కంటైనర్ షిప్ సూయజ్ కెనాల్‌లో చిక్కుకుని ప్ర‌పంచ‌వ్యాప్తంగా వార్త‌లకెక్కిన సంగ‌తి తెలిసిందే. 

చ‌ద‌వండి: ఇక‌పై ఎక్క‌డైనా ప్లాట్ కొనుగోలు చేయొచ్చు... 20 శాతం త‌క్కువ‌కే
భారీగా అంద‌నున్న బోన‌స్‌
ఎవర్‌గ్రీన్‌లో వార్షిక వేతనాలు రూ.37,00,807 నుంచి రూ.1,41,55,950 మధ్య ఉంటాయని ఆస్ట్రేలియన్‌ వెబ్‌సైట్ పేర్కొంది. ది స్ట్రెయిట్స్ టైమ్స్ ప్రకారం.. 2021-22 ఆర్థిక సంవత్సరంలో ఎవర్‌గ్రీన్‌ 16.25 బిలియన్‌ డాలర్లు ఆర్జించింది. ఆ సంవత్సరం కంపెనీ లాభం 39.82 శాతం పెరిగింది. అయితే గ‌తేడాది డిసెంబ‌ర్‌లోనే త‌మ ఉద్యోగుల‌కు 50 నెల‌ల జీతాన్ని బోన‌స్ ఇస్తున్న‌ట్లు కంపెనీ తెలిపింది. ఈ ఏడాది హైక్‌ల‌తో క‌లుపుకుంటే ఉద్యోగులు మొత్తంగా ఐదేళ్ల జీతానికి స‌మాన‌మైన మొత్తాన్ని అందుకోనున్నారు. కంపెనీకి వ‌చ్చిన లాభాల‌లో కొంత భాగాన్ని ఇలా ఉద్యోగ‌స్తుల‌కు పంచ‌డంతో కంపెనీ ఉద్యోగులు ఉబ్బిత‌బ్బిబ‌వుతున్నారు.

చ‌ద‌వండి: సెంట్ర‌ల్ బ్యాంకులో 5వేల ఖాళీలు... పూర్తి వివ‌రాలు ఇవే