PM Modi: బుద్ధ పూర్ణిమ సందర్భంగా ప్రధాని మోదీ ఏ దేశంలో పర్యటించారు?
![PM Modi - Nepal PM Deuba](/sites/default/files/images/2022/05/17/pm-modi-nepal-pm-deuba-1652793050.jpg)
బుద్ధ పూర్ణిమ సందర్భంగా నేపాల్లో ఉన్న బుద్ధుని జన్మస్థలం లుంబిని వనాన్ని మే 16న ప్రధాని నరేంద్ర మోదీ సందర్శించారు. నేపాల్ ప్రధాని షేర్ బహదూర్ దేవ్బా ఆహ్వానం మేరకు వెళ్లిన మోదీకి ఆయన ఘనంగా స్వాగతం పలికారు. బుద్ధుని జన్మస్థలంగా భావించే మాయాదేవి ఆలయాన్ని ప్రధానులిద్దరూ దర్శించి ప్రత్యేక పూజల్లో పాల్గొన్నారు. లుంబిని బుద్ధుని జన్మస్థలమనేందుకు లభించిన తొలి శాసనాధారమైన అశోక స్తంభాన్ని సందర్శించారు. అలాగే ఇండియా ఇంటర్నేషనల్ సెంటర్ ఫర్ బుద్ధిస్ట్ కల్చర్ అండ్ హెరిటేజ్ భవన్కు లుంబినిలో శంకుస్థాపన చేశారు. ఇంటర్నేషనల్ బుద్ధిస్ట్ కాన్ఫరెన్స్లో 2566వ బుద్ధ జయంతి వేడుకల్లో పాల్గొన్నారు.
GK National Quiz: 2021-22లో భారతదేశంలో పండ్ల ఉత్పత్తిలో అగ్రస్థానంలో నిలిచిన రాష్ట్రం?
హెరిటేజ్ కారిడార్ను అభివృద్ధి..
భారత్–నేపాల్ మైత్రిని సమస్త మానవాళికి మేలు చేసేదిగా మోదీ అభివర్ణించారు. బుద్ధునిపై ఉన్న అచంచల విశ్వాసం ఇరు దేశాలనూ కలిపి ఉంచే ప్రధాన సూత్రమన్నారు. భారత్లోని సారనాథ్, బోధ్ గయ, కుశీనగర్, నేపాల్లోని లుంబిని మధ్య హెరిటేజ్ కారిడార్ను అభివృద్ధి చేయాలని చెప్పారు.
GK Important Dates Quiz: అంతర్జాతీయ గనుల అవగాహన దినోత్సవం?
జల విద్యుత్ రంగంలో మరిన్ని పెట్టుబడులు
పలు ద్వైపాక్షిక అంశాలపై మోదీ–దేవ్బా సుదీర్ఘంగా చర్చలు జరిపారు. విద్యుదుత్పాదన రంగంలో ఇరు దేశాల మధ్య సహకారంలో పురోగతిపై సంతృప్తి వెలిబుచ్చారు. నేపాల్లో జల విద్యుత్ రంగంలో పెట్టుబడులకు ముందుకు రావాల్సిందిగా భారత పారిశ్రామికవేత్తలకు ఈ సందర్భంగా మోదీ పిలుపునిచ్చారు. విద్యా, సాంస్కృతిక బంధాలను విస్తరించేలా పలు ఒప్పందాలు జరిగాయి.
India-Nordic Summit 2022: రెండో ఇండియా–నార్డిక్ సదస్సును ఎక్కడ నిర్వహించారు?Free Trade Agreement: పరిశ్రమల టాస్క్ఫోర్స్ ఏర్పాటు చేసిన దేశాలు
క్విక్ రివ్యూ :
ఏమిటి : బుద్ధ పూర్ణిమ సందర్భంగా.. బుద్ధుని జన్మస్థలం లుంబిని వనం సందర్శన
ఎప్పుడు : మే 16
ఎవరు : భారత ప్రధాని నరేంద్ర మోదీ
ఎక్కడ : లుంబిని వనం, రూపన్దేహి జిల్లా, లుంబిని ప్రావిన్స్, నేపాల్
ఎందుకు : నేపాల్ ప్రధాని షేర్ బహదూర్ దేవ్బా ఆహ్వానం మేరకు..
డౌన్లోడ్ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్తో పాటు తరగతులకు(అకాడెమిక్స్) సంబంధించిన స్టడీ మెటీరియల్ను పొందడానికి, కెరీర్ అవకాశాలను తెలుసుకోవడానికి సాక్షి ఎడ్యుకేషన్ యాప్ను ఇప్పుడే డౌన్లోడ్ చేసుకోండి.
యాప్ డౌన్లోడ్ ఇలా..
డౌన్లోడ్ వయా గూగుల్ ప్లేస్టోర్