Sakshi Education
సాక్షి, హైదరాబాద్‌ : డిగ్రీల్లో ప్రవేశాల కోసం నిర్వహిస్తున్న మూడోదశ దోస్త్‌ కౌన్సెలింగ్‌కు నామమాత్రపు స్పందన కనిపిస్తోంది.
దీంతో ఈ విడత కౌన్సెలింగ్‌కు రిజిస్ట్రేషన్ గడువు జూలై 4వ తేదీ వరకూ పొడిగించారు. వాస్తవానికి ఇది జూలై 3తో ముగిసింది. ఈ తేదీ వరకూ 56,910 మంది మాత్రమే రిజిస్ట్రేషన్ చేసుకున్నారు. వీరిలో అప్లికేషన్లు నింపనివారు 50 వేల మంది వరకూ ఉన్నారు.
చదవండి: Faculty Jobs: ప్రభుత్వ డిగ్రీ కళాశాలలో అతిథి అధ్యాపకుల నియామకానికి దరఖాస్తులు ఆహ్వానం
అప్లికేషన్లు నింపి కూడా ఆన్‌లైన్‌లో ఫీజు చెల్లించనివారు 15 వేల మంది ఉన్నారు. ఫీజు చెల్లించి కూడా వెబ్‌ఆప్షన్లు ఇవ్వనివారు 10 వేల మంది ఉన్నారు. దీనిని దృష్టిలో ఉంచుకొని రిజిస్ట్రేషన్, వెబ్‌ ఆప్షన్లకు జూలై 4వ తేదీ వరకు గడువు ఇచ్చినట్టు ఉన్నత విద్యామండలి చైర్మన్‌ ప్రొఫెసర్‌ ఆర్‌.లింబాద్రి తెలిపారు.
మూడోదశ సీట్ల కేటాయింపు మాత్రం ముందుగా ప్రకటించినట్టు ఈ నెల 6వ తేదీన చేపట్టబోతున్నట్టు తెలిపారు.
Published date : 03 Jul 2024 03:42PM
