డిప్యుటేషన్‌ పై బదిలీ అయిన ఒక మోడల్‌ స్కూల్‌ ప్రిన్సిపాల్‌ రిలీవై వెళ్తుండగా.. విద్యార్థినులు విలపిస్తూ వెళ్లొద్దని ప్రాథేయపడ్డారు.
భద్రాద్రి జిల్లా గండుగులపల్లిలో ప్రిన్సిపాల్‌ వీరస్వామిని వెళ్లొద్దంటూ రోదిస్తున్న విద్యార్థినులు
తేలంగాణ రాష్ట్రం భద్రాద్రి కొత్తగూడెం జిల్లా దమ్మపేట మండలం గండుగులపల్లి ఏకలవ్య రెసిడెన్షియల్‌ స్కూల్‌ ప్రిన్సిపల్‌ పూనెం వీరస్వామి డిప్యుటేషన్‌ పై బదిలీ అయ్యారు. ఆయన ఏప్రిల్‌ 8న రిలీవై బయల్దేరుతుండగా విద్యార్థినులు విలపించారు. ‘మీరే మా సార్‌.. ఎక్కడికి వెళ్లకండి.. మమ్మల్ని కన్నబిడ్డల్లా చూసుకున్న మీరు లేకపోతే ఉండలేం’ అంటూ వేడుకున్నారు. విద్యార్థినుల అభిమానం, ఆప్యాయతకు ప్రిన్సిపాల్‌ కూడా భావోద్వేగానికి గురై కంటతడి పెట్టుకున్నారు. బదిలీపై పాల్వంచకు వెళ్తున్న ఆర్చరీ కోచ్‌ హేమను చూసి కూడా విద్యార్థినులు కన్నీటి పర్యంతమయ్యారు.
