విదేశీ భాషలతో సువర్ణావకాశాలు...

స్వయం ఉపాధి :
 ఫారెన్ లాంగ్వేజెస్‌లో నైపుణ్యాలు పొందిన అభ్యర్థులు ఫ్రీలాన్సింగ్ విధానంలోనూ ఆదాయం పొందొచ్చు. వీరికి ప్రధానంగా ఫార్మాస్యుటికల్ సంస్థలు, టూరిజం సంస్థల్లో అనువాదకులుగా (రిటెన్ అండ్ స్పోకెన్) అవకాశాలు లభిస్తాయి. రిటెన్, ట్రాన్స్లేషన్ పరంగా పద పరిమితి ఆధారంగా ఒక పదానికి రెండు నుంచి మూడు రూపాయలు లభిస్తాయి. స్పోకెన్ ట్రాన్స్లేషన్ పరంగా పని గంటల ఆధారంగా కొన్ని ప్రముఖ టూరిజం సంస్థలు గంటకు రూ.వెయ్యి వరకు అందిస్తున్నాయి.
 
 భాష-  కోర్సు అందిస్తున్న సంస్థలు :
 స్పానిష్ :
 20 దేశాల్లో అధికార భాష.. స్పానిష్. ఈయూ, యూఎన్‌ఓ వంటి సంస్థల్లోనూ ఇది అధికారిక భాష. స్పానిష్ లిపి, శైలి.. దాదాపు ఇంగ్లిష్‌ను పోలి ఉంటుంది. అర్జెంటీనా, కొలంబియా తదితర దేశాలతో మన దేశానికి చెందిన సంస్థలు వ్యాపార, వాణిజ్య ఒప్పందాలు చేసుకుని సంయుక్త కార్యకలాపాలు నిర్వహిస్తున్నాయి. దీంతో సదరు సంస్థల్లో స్పానిష్ లాంగ్వేజ్ నిపుణులకు డిమాండ్ ఉంటోంది.
 కోర్సు అందిస్తున్న ప్రముఖ సంస్థలు..
 1.  స్కూల్ ఆఫ్ లాంగ్వేజ్, లిటరేచర్ అండ్ కల్చరల్ స్టడీస్, జేఎన్‌యూ.
 2.  ఐ.పి.కాలేజ్ ఫర్ ఉమెన్, ఢిల్లీ యూనివర్సిటీ. 
 3.  ఇఫ్లూ - హైదరాబాద్.
 4.  జవహర్‌లాల్ నెహ్రూ అకాడమీ ఫర్ ఫారెన్ లాంగ్వేజెస్.
 
 జపనీస్ :
 ప్రస్తుతం దేశంలో జపాన్‌కు చెందిన దాదాపు 250 సంస్థలు ప్రత్యక్షంగా, పరోక్షంగా కార్యకలాపాలు నిర్వహిస్తున్నాయి. ఈ కంపెనీలకు ఇంటర్‌ప్రిటేటర్స్, ట్రాన్స్లేటర్స్ అవసరం ఏర్పడుతోంది. జపాన్ ఇండియా కోఆపరేటివ్ ఏజెన్సీ (జైకా) ద్వారా జపాన్, భారత్ మధ్య ద్వైపాక్షిక ఒప్పందాలు, భారత్‌లో జపాన్‌కు చెందిన కంపెనీలు జాయింట్ వెంచర్ విధానంలో పనులు చేపడుతుండటం కూడా జపనీస్ లాంగ్వేజ్ నిపుణులకు డిమాండ్ పెరగడానికి మరో కారణం. పలు సంస్థల అంచనాల ప్రకారం 2018 చివరి నాటికి జపనీస్ భాషలో నైపుణ్యాలున్న వారి అవసరం దాదాపు 50 వేల వరకు ఉంటుంది.
 కోర్సు అందిస్తున్న ప్రముఖ సంస్థలు..
 1.  జేఎన్‌యూ- న్యూఢిల్లీ 
 2. ఇన్‌స్టిట్యూట్ ఫర్ కెరీర్ స్టడీస్ వైఎంసీఏ 
 3. ఢిల్లీ యూనివర్సిటీ
 4.  ఇఫ్లూ -హైదరాబాద్.
 
 జర్మన్ :
 ఈ భాషను నేర్చుకోవడం కొంత కష్టమే. శిక్షణ పరంగా.. లెవల్ ఎ1, ఎ2, బి1, బి2, సి1, సి2 విధానం అమల్లో ఉంది. వీటిలో పొందిన నైపుణ్యం ఆధారంగా ట్రాన్స్‌లేటర్లు, ఇంటర్‌ప్రిటేటర్స్, డాక్యుమెంట్ రైటర్స్ వంటి అవకాశాలు ఖాయం. విదేశీ విద్య కోణంలోనూ.. జర్మనీలో ఉన్నత విద్య అభ్యసించాలనుకునే విద్యార్థులకు జర్మన్ లాంగ్వేజ్‌లో బేసిక్ నైపుణ్యాలు తప్పనిసరి. 
  కోర్సు అందిస్తున్న ప్రముఖ సంస్థలు..
 1.  ఇఫ్లూ, హైదరాబాద్ 
 2. గొయెత్ జర్మన్ 
 3. ఇన్‌లింగ్వా
 
 ఫ్రెంచ్ :
 ప్రపంచంలో దాదాపు 40 దేశాల్లో అధికార భాషగా పరిగణిస్తున్న లాంగ్వేజ్.. ఫ్రెంచ్. ఇంగ్లిష్‌లో వినియోగంలో ఉన్న 50 శాతం పదాలకు ఫ్రెంచ్ భాషే మూలం. కాబట్టి ఈ భాషను నేర్చుకోవడంలో పెద్దగా ఇబ్బంది ఉండదు.
 కోర్సు అందిస్తున్న ప్రముఖ సంస్థలు..
 1.  మిరండా హౌస్, ఢిల్లీ యూనివర్సిటీ.
 2.  జవహర్‌లాల్ నెహ్రూ యూనివర్సిటీ.
 3.  ఇఫ్లూ- హైదరాబాద్.
 
చైనీస్ :
అంతర్జాతీయంగా 20 శాతం మందికిపైగా ప్రజలు మాట్లాడుతున్న భాష చైనీస్. ఈ భాషా నైపుణ్యాలతో ఎలక్ట్రానిక్స్, టూరిజం రంగంలో కెరీర్ అవకాశాలు ఖాయం.
 కోర్సు అందిస్తున్న ప్రముఖ సంస్థలు..
 1. జేఎన్‌యూ 
 2. ఢిల్లీ యూనివర్సిటీ 
 3. ఇండియా-చైనా చాంబర్ ఆఫ్ కామర్స్ అండ్ ఇండస్ట్రీ
 
 
అరబిక్ :
దాదాపు 22 దేశాల్లో అధికార భాషగా ఉన్న అరబిక్‌లో నైపుణ్యం ద్వారా  హాస్పిటాలిటీ, టూరిజం, హెల్త్‌కేర్ వంటి రంగాల్లో అరబ్ దేశాలకు చెందిన సంస్థల్లో కెరీర్ అవకాశాలు సొంతం చేసుకోవచ్చు.
 కోర్సు అందిస్తున్న ప్రముఖ సంస్థలు..
 1. జామియా మిలియా యూనివర్సిటీ
 2. అలీగఢ్ ముస్లిం యూనివర్సిటీ
 3. ఉస్మానియా యూనివర్సిటీ
 4. ఇఫ్లూ-హైదరాబాద్
 
రష్యన్ :
ప్రపంచంలో దాదాపు 160 మిలియన్ల జనాభా మాట్లాడే భాష.. రష్యన్. దీన్ని నేర్చుకోవడం కొంత కష్టమని చెప్పొచ్చు. నేర్చుకుంటే ముఖ్యంగా ట్రాన్స్‌లేషన్, వివిధ దేశాల్లోని రష్యన్‌ఎంబసీల్లో కెరీర్ ఖాయం.
కోర్సు అందిస్తున్న ప్రముఖ సంస్థలు..
 1. మహారాజా సయాజీరావు యూనివర్సిటీ ఆఫ్ బరోడా 
 2. యూనివర్సిటీ ఆఫ్ ముంబై
 3. ఇఫ్లూ-హైదరాబాద్   
 4. జేఎన్‌యూ-ఢిల్లీ.