‘ఆతిథ్యం’లో అద్భుత కెరీర్‌కుఎన్‌సీహెచ్‌ఎం జేఈఈ

సమయం: మూడు గంటలు

విజయ వ్యూహాలు
పరీక్షలో విజయం సాధించాలంటే అభ్యర్థులు సెక్షన్లవారీగా అనుసరించాల్సిన వ్యూహాలు..

న్యూవురికల్ ఎబిలిటీ అండ్ అనలిటికల్ ఆప్టిట్యూడ్
అభ్యర్థుల్లోని గణిత నైపుణ్యాన్ని, విశ్లేషణ దృక్పథాన్ని పరీక్షించే ఈ విభాగంలో రాణించాలంటే హైస్కూల్ స్థాయిలోని మ్యాథమెటిక్స్ అంశాలపై అవగాహన ఏర్పరచుకోవాలి. ప్రధానంగా కసాగు, గసాభా, శాతాలు, లాభ - నష్టాలు, నంబర్ సిస్టమ్, సగటు, కాలం-పని, సాధారణ వడ్డీ, బారు వడ్డీ, కాలం-వేగం-దూరం, నిష్పత్తులు, జామెట్రీ వంటి అంశాల్లో పట్టు సాధించాలి. అనలిటికల్ ఆప్టిట్యూడ్‌లో డేటాను విశ్లేషించే సామర్థ్యం పెంపొందించుకోవాలి. డేటాలో పేర్కొన్న ముఖ్య సమాచారాన్ని క్రోడీకరించి ఇచ్చిన ప్రశ్నకు అనువుగా, సమాధానం ఇచ్చే నైపుణ్యం సొంతం చేసుకోవాలి. ఇందుకోసం గ్రాఫ్‌లు, పై చార్ట్‌లు, ఫ్లో చార్ట్‌లు వంటి వాటిని సాధన చేయాలి.

రీజనింగ్ అండ్ లాజికల్ డిడక్షన్
సునిశిత పరిశీలన, తార్కిక విశ్లేషణతో రీజనింగ్ అండ్ లాజికల్ డిడక్షన్‌లో రాణిస్తారు. ఈ విభాగంలో గరిష్ట మార్కుల సాధన కోసం మ్యాథమెటికల్ ఆపరేషన్స్, కోడింగ్-డీకోడింగ్, నంబర్ సిరీస్, బ్లడ్ రిలేషన్ వంటి రీజనింగ్ ఆధారిత అంశాలను సాధన చేయాలి. వీటితోపాటు డేటా సఫీషియన్సీ, వెన్ డయాగ్రమ్స్ సాధనచేస్తే ఉపయుక్తంగా ఉంటుంది.

జనరల్ నాలెడ్జ్ అండ్ కరెంట్ అఫైర్స్
ఈ విభాగంలో మంచి మార్కులు పొందాలంటే హైస్కూల్ స్థాయిలోని పుస్తకాల్లో ఉండే చరిత్ర, రాజ్యాంగం, జాగ్రఫీ, ఎకనామిక్స్ పాఠ్యాంశాలు చదవాలి. ముఖ్యంగా చరిత్రలో ముఖ్యమైన యుద్ధాలు-పరిణామాలు-పర్యవసానాలు, స్వాతంత్య్రోద్యమం గురించి పూర్తి అవగాహన పెంచుకోవాలి. జాగ్రఫీలో దేశంలో ముఖ్యమైన ప్రదేశాలు, ఖనిజ వనరులు- అవి ఎక్కువగా లభించే ప్రాంతాలు, నదులు, సరస్సులు, పర్వతాల గురించి క్షుణ్నంగా అధ్యయనం చేయాలి. వీటితోపాటు ముఖ్యమైన పంటలు - అవి ఎక్కువగా పండే ప్రదేశాలు, జనాభా వంటి అంశాల్లో అవగాహన పెంచుకోవాలి. కరెంట్ అఫైర్స్‌లో ఇతర పోటీ పరీక్షల మాదిరిగానే, ముఖ్యమైన సదస్సులు, సమావేశాలు, వార్తల్లోని వ్యక్తులు, అంతర్జాతీయ ప్రాముఖ్యత ఉన్న అంశాలపై అవగాహన ఏర్పరచుకోవాలి.

ఇంగ్లిష్ లాంగ్వేజ్
టెన్సెస్, ప్రిపోజిషన్స్, వన్ వర్డ్ సబ్‌స్టిట్యూట్స్, ఇడియమ్స్ అండ్ ఫ్రేజెస్, యాంటానిమ్స్, సినానిమ్స్, సెంటెన్స్ ఫార్మేషన్, స్పాటింగ్ ద ఎర్రర్స్, సీక్వెన్స్ ఆఫ్ వర్డ్స్ అంశాలు ఈ విభాగంలో ముఖ్యమైనవిగా పేర్కొనొచ్చు. ఇందుకోసం అభ్యర్థులు బేసిక్ గ్రామర్ పుస్తకాలను అభ్యసనం చేయడంతోపాటు న్యూస్ పేపర్లను చదవాలి. వాటిలోని కొత్త పదాలను తెలుసుకొని, ఆ పదాలను వినియోగించిన తీరుపై అవగాహన ఏర్పరచుకోవాలి. పదో తరగతి స్థాయి ఇంగ్లిష్ పుస్తకాలను అధ్యయనం చేయడం ద్వారా ఈ విభాగంలో పేర్కొన్న సిలబస్‌లో అధిక శాతం పూర్తిచేసుకోవచ్చు.

ఆప్టిట్యూడ్ ఫర్ సర్వీస్ సెక్టార్.. స్పెషల్ సెక్షన్
ఎన్‌సీహెచ్‌ఎం జేఈఈలో ప్రత్యేక సెక్షన్‌గా ఆప్టిట్యూడ్ ఫర్ సర్వీస్ సెక్టార్ సెక్షన్‌ను పేర్కొనొచ్చు. ఇందులో ప్రధానంగా అభ్యర్థికి ఆతిథ్య, పర్యాటక రంగాల్లో ఉన్న ఆసక్తి, దృక్పథాలను పరీక్షించే ప్రశ్నలు ఉంటాయి. వాస్తవ సంఘటన లేదా అంశం ఇచ్చి దానికి ఎలా స్పందిస్తారు? అనే తరహా ప్రశ్నలు అడుగుతారు. ఈ ప్రశ్నలు అభ్యర్థుల్లో ఎదుటి వారిని మెప్పించే తీరు, సందర్భానికి తగినట్లు వ్యవహరించే శైలికి సంబంధించి ఉంటాయి. అందుకే ఈ విభాగంలో మార్కుల కేటాయింపు విధానం కూడా భిన్నంగా ఉంటుంది.
ఏదైనా ఒక ప్రశ్నకు నాలుగు ఆప్షన్లు ఇస్తారు. అందులో కచ్చితమైన సమాధానానికి ఒక మార్కు కేటాయిస్తారు. కచ్చితమైన సమాధానానికి కొంచెం అటు, ఇటుగా సరితూగే సమాధానం ఇస్తే 0.75 మార్కు ఇస్తారు. అంటే అభ్యర్థులు ఎలాంటి సమాధానం ఇచ్చినా మార్కులు లభిస్తాయి. కానీ, కచ్చితమైన సమాధానానికి మాత్రమే ఒక మార్కు లభిస్తుంది.

టాప్ టెన్ ఇన్‌స్టిట్యూట్స్‌లో
ఎన్‌సీహెచ్‌ఎం జేఈఈ ద్వారా ఇన్‌స్టిట్యూట్ ఆఫ్ మేనేజ్‌మెంట్ క్యాంపస్‌లలో సీటు పొందాలంటే 20 వేల లోపు ర్యాంకుతోనే సాధ్యం. ఇక.. ఈ ఇన్‌స్టిట్యూట్స్ ఆఫ్ మేనేజ్‌మెంట్‌లోనే టాప్-10గా నిలిచిన ఇన్‌స్టిట్యూట్స్‌లో అయిదు వేల లోపు ర్యాంకుతోనే సీటు సాధ్యం. ఎన్‌సీహెచ్‌ఎం జేఈఈ-2015లో ఆయా ఇన్‌స్టిట్యూట్‌లలో స్పాట్ రౌండ్ కౌన్సిలింగ్‌లో క్లోజింగ్ ర్యాంకులే ఇందుకు నిదర్శనం.

ఎన్‌సీహెచ్‌ఎం జేఈఈ-2015

టాప్-10 ఇన్‌స్టిట్యూట్ల క్లోజింగ్ ర్యాంక్స్