Intermediate News: ఇంటర్మీడియట్‌ కళాశాలల విద్యార్థులు నవంబర్‌ 11వ తేదీ లోపు ఫీజు చెల్లించాలి

చిత్తూరు  : జిల్లాలోని అన్ని యాజమాన్యాల ఇంటర్మీడియట్‌ కళాశాలల విద్యార్థులు నవంబర్‌ 11వ తేదీ లోపు సంబంధిత కళాశాలల్లో ఇంటర్‌ పరీక్ష ఫీజు చెల్లించాలని డీవీఈఓ సయ్యద్‌ మౌలా వెల్లడించారు. ఈ మేరకు ఆయన ఆదివారం విలేకరులతో మాట్లాడారు. ఇంటర్మీడియట్‌ పబ్లిక్‌ పరీక్షలకు హాజరుకానున్న ప్రథమ, ద్వితీయ సంవత్సరం రెగ్యులర్‌, ప్రైవేట్‌, హాజరు మినహాయింపు పొందిన విద్యార్థులు ఈ నెల 21వ తేదీ నుంచి నవంబర్‌ 11 లోపు ఫీజు చెల్లించాలన్నారు. రూ.1000 అపరాధ రుసుముతో చెల్లించడానికి నవంబర్‌ 20 వరకు అవకాశం ఉంటుందన్నారు. ఆర్ట్స్‌, హ్యూమానిటీస్‌ విద్యార్థులు https:// biev2.biev2.apcfss.in వెబ్‌సైట్‌లో దరఖాస్తు చేసుకోవాలని తెలిపారు. నవంబర్‌ 15 లోగా హాజరు మినహాయింపు కోసం రూ.1500 ఫీజు చెల్లించాలని డీవీఈఓ వెల్లడించారు.

ఇదీ చదవండి: విద్యార్థులకు RBI బంపర్‌ ఆఫర్‌ ప్రతి నెల 20వేల రూపాయలు