AP 10th Class Results 2023 : 12 ఏళ్లకే టెన్త్‌ పాసైన విద్యార్థి.. ఈ అమ్మాయికి వచ్చిన మార్కులు ఎన్నంటే..?
Sakshi Education
సాక్షి ఎడ్యుకేష‌న్ : ఆంధ్ర‌ప్ర‌దేశ్ పదో పబ్లిక్ ప‌రీక్ష‌ల ఫ‌లితాలను మే 6వ తేదీ ఉద‌యం 11:00 గంట‌ల‌కు విడుద‌ల చేసిన విష‌యం తెల్సిందే. గుంటూరు ప‌ట్ట‌ణంకు చెందిన చిర్రా అనఘాలక్ష్మి 11 ఏళ్ల 8 నెలల వయసులోనే 10వ తరగతి పరీక్షలు రాసింది.
అనఘాలక్ష్మి
ఈ పదో తరగతి ఫ‌లితాల్లో.. బ్రాడీపేటలోని సెంట్రల్‌ పబ్లిక్ స్కూల్‌లో చదివిన అనఘాలక్ష్మి అన్ని సబ్జెక్టులలో 90కి పైగా మార్కులతో మొత్తం 600కు గాను 566 మార్కులు సాధించింది.
పదేళ్ల వయసులో గణితంలో శతావధానం చేసిన అనఘాలక్ష్మి ప్రతిభను గుర్తించిన విద్యాశాఖ ముఖ్య కార్యదర్శి ప్రవీణ్‌ ప్రకాశ్‌ ప్రత్యేక అనుమతి ఇవ్వడంతో పదో తరగతి పబ్లిక్ పరీక్షలు రాసిందని పాఠశాల డైరెక్టర్‌ ఆర్‌.రాము తెలిపారు.
