Job Mela: 29న సీఆర్‌ కళాశాలలో జాబ్‌ మేళా

నరసరావుపేటఈస్ట్‌: రాష్ట్ర నైపుణ్యాభివృద్ధి సంస్థ, ఎంప్లాయ్‌మెంట్‌ ఎక్స్ఛేంజ్‌, సీడాప్‌ సంయుక్త ఆధ్వర్యంలో ఈనెల 29వ తేదీన చిలకలూరిపేట గణపవరంలోని చుండి రంగనాయకులు కళాశాలలో జాబ్‌మేళా నిర్వహిస్తున్నట్టు జిల్లా నైపుణ్యాభివృద్ధి సంస్థ అధికారి ఈ.తమ్మాజీరావు శనివారం ఒక ప్రకటనలో పేర్కొన్నారు.

నిరుద్యోగ యువతకు జాబ్‌ మేళా

జాబ్‌మేళాకు మాస్టర్‌మైండ్స్‌, రుద్ర కార్పొరేట్‌ సర్వీస్‌ (చెక్‌పోస్ట్‌), సింధుజ మైక్రో క్రెడిట్‌, కపిస్టన్‌ సర్వీసెస్‌ వంటి కంపెనీలు హాజరై అర్హులైన అభ్యర్థులను ఉద్యోగాలకు ఎంపిక చేసుకుంటాయని వివరించారు. జాబ్‌మేళాకు 10వ తరగతి నుంచి డిగ్రీ, పీజీ, డిప్లమో, ఫార్మసీ, బీటెక్‌ చదువుకొని 18 నుంచి 50 సంవత్సరాల వయస్సు గల నిరుద్యోగ యువత హాజరు కావచ్చని తెలిపారు.


అభ్యర్థులు తమ విద్యార్హత సర్టిఫికెట్లతో నేరుగా ఇంటర్వ్యూకు హాజరుకావచ్చని తెలిపారు. వివరాలకు జె.సురేష్‌ (సెల్‌ నెం.9100566581), వీరాంజనేయులు (సెల్‌ నంబరు 9160200652)లను సంప్రదించాలని కోరారు.