PG Exam Fee Dates: 12లోగా పీజీ పరీక్ష ఫీజు చెల్లించాలి

తెయూ: తెలంగాణ యూనివర్సిటీ పరిధిలోని పీజీ రెగ్యులర్‌, సెమిస్టర్‌ పరీక్షల ఫీజును ఈ నెల 12వ తేదీ లోపు చెల్లించాలని పరీక్షల నియంత్రణాధికారిణి ఎం.అరుణ గురువారం తెలిపారు. ఎంఏ, ఎంకామ్‌, ఎల్‌ఎల్‌బీ, ఎల్‌ఎల్‌ఎం, ఐదు సంవత్సరాల ఏపీఈ, పీసీహెచ్‌, ఐఎంబీఏ కోర్సులకు సంబంధించి 3, 5, 7, 9వ సెమిస్టర్స్‌ రెగ్యులర్‌ పరీక్షలకు ఈ షెడ్యూల్‌ వర్తిస్తుందన్నారు. రూ.100 అపరాధ రుసుముతో ఈ నెల 15వరకు ఫీజు చెల్లించే అవకాశం ఉందన్నారు. పూర్తి వివరాలకు తెలంగాణ యూనివర్సిటీ వెబ్‌సైట్‌ను సందర్శించాలని ఈ సందర్భంగా తెయూ పరీక్షల నియంత్రణ అధికారి అరుణ సూచించారు. విద్యార్థులు గమనించాలన్నారు.