కాటారం: రైతుబిడ్డ పాలిసెట్‌లో మెరిశాడు. ఎంబైపీసీలో రాష్ట్రంలో మొదటి ర్యాంకు సాధించాడు. జయశంకర్‌ భూపాలపల్లి జిల్లా గంగారానికి చెందిన చీర్ల ఆకాశ్‌ 120కి 116 మార్కులు సాధించి స్టేట్‌ ఫస్ట్‌ర్యాంక్‌ సాధించాడు.
తల్లిదండ్రులతో ఆకాశ్‌
ఆకాశ్‌ తండ్రి చీర్ల రమేశ్‌ రైతు కాగా, తల్లి రజిత గృహిణి. ఆకాశ్‌ 4వ తరగతి వరకు కాటారంలోని ప్రైవేటు పాఠశాలలో చదివాడు. 10వ తరగతి వరకు హనుమకొండలోని ఓ ప్రైవేటు పాఠశాలలో చదివి 10 జీపీఏ సాధించాడు. ‘మా నాన్న కష్టం చూసేవాడిని. ప్రణాళికాబద్ధంగా చదివాను. అనుకున్న ర్యాంకు సాధించాను. ఏ కోర్సు తీసుకోవాలనేది ఇంకా నిర్ణయించుకోలేదు’ అని ఆకాశ్‌ తెలిపాడు.
