TS: టీచర్ల బదిలీల షెడ్యూల్‌ ఇదే.. విద్యాశాఖ సమావేశం జరుగుతుండగానే ఇలా జ‌రిగింది..
Sakshi Education
సాక్షి, హైదరాబాద్‌: రాష్ట్రవ్యాప్తంగా ఉపాధ్యాయ వర్గాలు ఉత్కంఠగా ఎదురుచూస్తున్న బదిలీలు, పదోన్నతుల షెడ్యూల్‌ జనవరి 23న అనధికారికంగా బయటకొచ్చింది.
టీచర్ల బదిలీల షెడ్యూల్‌ ఇదే.. విద్యాశాఖ సమావేశం జరుగుతుండగానే ఇలా జ‌రిగింది..
అందుబాటులోకి వచ్చిన షెడ్యూల్‌ ప్రకారం.. జనవరి 27 నుంచి మొదలయ్యే బదిలీలు, పదోన్నతుల ప్రక్రియ మార్చి 4వ తేదీతో ముగియనుంది.
షెడ్యూల్‌ ఇలా...
జనవరి 27న అన్ని కేటగిరీల్లో ఖాళీలు, ప్రధానోపాధ్యాయుల పదోన్నతికి అర్హులైన స్కూల్‌ అసిస్టెంట్స్‌ సీనియారిటీ జాబితాలు ఆన్‌లైన్‌లో ప్రకటిస్తారు.
28 నుంచి 30 వరకు బదిలీ దరఖాస్తులు ఆన్‌లైన్‌లో స్వీకరిస్తారు
జనవరి 31 నుంచి ఫిబ్రవరి 2 లోపు.. దరఖాస్తుల హార్డ్‌ కాపీలను హైస్కూల్‌ ఉపాధ్యాయులు సంబంధిత ప్రధానోపాధ్యాయులకు, ప్రభుత్వ ప్రాథమిక, ప్రాథమికోన్నత ఉపాధ్యాయులు సంబంధిత ఎంఈఓలకు, మండల పరిషత్‌ పీఎస్, యూపీఎస్‌ ఉపాధ్యాయులు సంబంధిత కాంప్లెక్స్‌ ప్రధానోపాధ్యాయులకు, హైస్కూల్‌ ప్రధానోపాధ్యాయులు డీఈఓకు సమర్పించాలి
ఫిబ్రవరి 3–6 తేదీల మధ్య దరఖాస్తుల హార్డ్‌ కాపీలను ప్రధానోపాధ్యాయులు, ఎంఈఓలు డీఈఓ కార్యాలయంలో సమరి్పంచడం, పరిశీలన.. ఆన్‌లైన్‌లో ఆమోదం.
22, 23 తేదీల్లో డీఈఓలచే స్కూల్‌ అసిస్టెంట్స్‌ బదిలీ ఉత్తర్వులు విడుదల.
24న స్కూల్‌ అసిస్టెంట్ల బదిలీల అనంతరం ఏర్పడిన ఖాళీల ప్రకటన
25, 26, 27 తేదీల్లో ఎస్జీటీ తత్సమాన కేటగిరీ ఉపాధ్యాయులకు (కోర్టు కేసులు లేని సబ్జెక్టులకు) మాన్యువల్‌ కౌన్సెలింగ్‌ ద్వారా స్కూల్‌ అసిస్టెంట్లుగా పదోన్నతులు
ఫిబ్రవరి 28, మార్చి 1, 2 తేదీల్లో ఎస్జీటీ తత్సమాన పోస్టుల ఖాళీల ప్రకటన, వెబ్‌ ఆప్షన్ల నమోదు
3న ఆప్షన్ల సవరణ, పునఃపరిశీలన
4న ఎస్జీటీ తత్సమాన కేటగిరీ ఉపాధ్యాయులకు బదిలీ ఉత్తర్వులు విడుదల.
5 నుండి 19 వరకు డీఈఓలు ఇచి్చన బదిలీ ఉత్తర్వులపై అప్పీళ్లు, అభ్యంతరాలను ఆర్జేడీకి, ఆర్జేడీ ఉత్తర్వులపై అప్పీళ్లు/అభ్యంతరాలను పాఠశాల విద్యాశాఖ కమిషనరేట్‌కు పంపవచ్చు. వాటిని సంబంధిత అధికారులు 15 రోజుల్లో పరిష్కరించాలి.
డైరెక్టర్‌ ఆగ్రహం
టీచర్ల బదిలీల షెడ్యూల్‌ బయటకు రావడంపై తెలంగాణ పాఠశాల విద్యాశాఖ డైరెక్టర్‌ దేవసేన ఆగ్రహం వ్యక్తం చేశారు. జనవరి 23న జరిగిన డీఈవోల సమావేశంలో విద్యాశాఖ బదిలీల షెడ్యూల్‌పై చర్చించారు. సమావేశం జరుగుతుండగానే షెడ్యూల్‌ లీకయ్యింది. ఈ నేపథ్యంలో డీఈవోల ఫోన్లు స్వాదీనం చేసుకుని పరిశీలించినట్లు తెలిసింది.
