DEO Govindarajulu: పోర్టల్‌లో విద్యార్థుల వివరాలు పొందుపర్చాలి
Sakshi Education
తెలకపల్లి: యూడైస్‌ క్లాస్‌ పోర్టల్‌లో విద్యార్థుల వివరాలను నమోదు చేయాలని డీఈఓ గోవిందరాజులు అన్నారు.
పోర్టల్‌లో విద్యార్థుల వివరాలు పొందుపర్చాలి
అక్టోబ‌ర్ 9న మండల ఎమ్మార్సీ భవనంలో నిర్వహించిన హెచ్‌ఎంల సమావేశంలో ఆయన పాల్గొని మాట్లాడారు. రాష్ట్ర విద్యాశాఖ ప్రవేశపెట్టిన ఫేస్‌ రికగ్నైజన్‌ యాప్‌లో ప్రతి విద్యార్థి వివరాలను కచ్చితంగా నమోదు చేయాలన్నారు. పోర్టల్‌లో విద్యార్థి ఆధార్‌ నంబర్‌, అడ్మిషన్‌కు సంబంధించిన వివరాలను పొందుపర్చాలన్నారు.
జిల్లా అకాడమిక్‌ మానిటరింగ్‌ అధికారి పసియొద్దీన్‌ మాట్లాడుతూ ప్రతి విద్యార్థి హాజరు తప్పకుండా నమోదు చేయాలని, విద్యార్థులకు అర్థమయ్యే రీతిలో పాఠాలు బోధించాలని సూచించారు. కార్యక్రమంలో మానిటరింగ్‌ అధికారి చంద్రుడు, ఉపాధ్యాయులు బాలస్వామి, శ్రీనివాస్‌రెడ్డి తదితరులు పాల్గొన్నారు.
