పాఠకుల సందేహాలకు సమాధానాలు

మా అబ్బాయి యు.ఎస్. లో ఓ.పి.టి. మీద ఉన్నాడు. ఈ ఏప్రిల్‌లో హెచ్-1 అప్లయ్ చేసి మే నెలలో పెళ్లి చేసుకుంటాడు. పెళ్లి అయిన తర్వాత మా కోడలిని మా అబ్బాయి వెంట పంపడానికి ఏ వీసా అయితే తేలికగా వస్తుంది? 

తేలికగా వచ్చే వీసాలు కష్టంగా వచ్చే వీసాలు అంటూ ప్రత్యేకంగా ఏమీ ఉండవు. మీ అబ్బాయి ఓ.పి.టి. మీద ఉన్నప్పుడు ఎఫ్-1 మీద ఉంటారు కనుక ఆయన శ్రీమతికి ఎఫ్-2 (ఎఫ్ -1 డిపెండెంట్) వీసా కోసం; ఆయనకి ెహ చ్-1బి ఆమోదం పొందిన తర్వాత అయితే హెచ్-4 వీసా (హెచ్-1 డిపెండెంట్) కోసం అప్లయ్ చేసుకోవాలి. ఇక్కడికి వచ్చి, వివాహం చేసుకుని ‘స్పౌజ్’ని వెంట తీసుకెళ్లడానికి డిపెండెంట్ వీసా కేటగిరీలు ఉన్నప్పటికీ వాటిని మంజూరు చేయడానికి వివాహం మాత్రమే ఏకైక అర్హత కాదు. ఇద్దరికీ సంబంధించిన అనేక అంశాల్ని పరిశీలించిన తర్వాత మాత్రమే వీసా ఇస్తారు. ఇప్పటికే అమెరికాలో ఉంటున్నారు కనుక, అలాగే ఇంతకు పూర్వం తన వీసాని పొందిన అనుభవం ఉన్నవారు కనుక మీ అబ్బాయి తన ‘స్పౌజ్’ వీసాకి అప్లయ్ చేసేటప్పుడు అన్ని నిబంధనలని అర్థం చేసుకుని పాటించడానికి మంచి అవకాశం ఉంది.

అమెరికాలో ఎంఎస్ చేయడానికి ఎంత ఖర్చవుతుంది? 
మొదటగా అడ్మిషన్‌లకి సంబంధించిన సమాచారం కోసం ‘హలో అమెరికా’లో ఇప్పటికి నేను రాసిన పలు వ్యాసాలను ఇక్కడ ఇస్తున్న ‘సాక్షి’ ఆర్కైవ్స్ వెబ్‌లింక్‌లో చూడండి. ఆ తర్వాత మీరు ఎంచుకునే ఒక్కో యూనివర్సిటీ వెబ్‌సైట్‌లోకి వెళితే ఏకోర్సుకి ఎంత ఖర్చయ్యేదీ వివరంగా తెలుస్తుంది. యు.ఎస్. యూనివర్సిటీలు వేటి నిబంధనలను అవే ఏర్పరచుకున్నట్టుగానే వేటి ఫీజులను అవే నిర్ణయించుకుంటాయి. అలాగే లివింగ్ ఎక్స్‌పెన్సులు అమెరికాలో ఒక్కోప్రాంతంలో ఒక్కోరకంగా ఉంటాయి. మీరు సెలెక్ట్ చేసుకున్న యూనివర్సిటీ వెబ్‌సైటు మీకు ఈ విషయాలలో ఎంతో ఉపయుక్తమైన సమాచారాన్నిస్తుంది. https://www.sakshi.com/Main/DailyStory.aspx?categoryid=30&subcatid=0