Sakshi Education

కెనడా ప్రభుత్వం అంతర్జాతీయ విద్యార్థుల‌కు ఇచ్చే వీసా(Student Visas)ల్లో కోత విధించిన‌ట్లు తెలిపింది.

Canada Announces Two Year Cap On International Student Visas

ప్రస్తుతం తీసుకుంటున్న కోటాలో సుమారు 35 శాతం కోత విధించాలని ప్రభుత్వం నిర్ణయించింది. ఈ కోటా తగ్గింపు రెండు సంవ‌త్స‌రాల పాటు అమలులో ఉంటుంది. గృహవసతి సంక్షోభంతోపాటు విదేశీ విద్యార్థుల ప్రవేశాలకు సంబంధించి తప్పుడు పద్ధతులను అవలంభిస్తున్న సంస్థలను కట్టడి చేసేందుకు ఈ చర్యలు తీసుకున్నట్లు తెలుస్తోంది.

కోటా తగ్గింపు భారతీయ విద్యార్థులపై బాగా ప్రభావం చూపించే అవకాశం ఉంది. ఈ నిర్ణయం ప్రకారం 2024లో అంతర్జాతీయ విద్యార్థుల ప్రవేశాలలో 35 శాతం కోతపడనున్నట్టు ఇమ్మిగ్రేషన్ శాఖ మంత్రి మార్క్ మిల్లర్ తెలిపారు. కొత్త విధానం ప్రకారం 2024లో 3,64,000 మంది విద్యార్థులను అనుమతించే అవకాశం ఉంది.