PM Appreciates HM: ప్రధాని ప్రశంసలు పొందిన పాఠశాల హెచ్ఎం.. కార‌ణం?
Sakshi Education
తను చేసిన ప‌నికి ఫ‌లితంగా తాను ప్రధాని నుంచే ప్రశంసలు అందుకోవ‌డంతో ఆ పాఠశాల హెచ్ఎం త‌న సంతోషాన్ని వ్య‌క్తం చేశారు..
School HM Ramanayya Shetty gets felicitated by teachers
సాక్షి ఎడ్యుకేష‌న్: అన్నమయ్య జిల్లా రాజంపేట మండలంలోని ఆకేపాడు జెడ్పీ ఉన్నత పాఠశాల హెచ్ఎం సీవీ.రమణయ్యశెట్టిని ప్రధాని నరేంద్ర మోదీ ప్రసంశిస్తూ లేఖ పంపారు. ఈ విషయాన్ని రమణయ్యశెట్టి గురువారం ఇక్కడ విలేకరులకు తెలిపారు. ఈ ఏడాది మార్చి నెలలో వర్చువల్‌గా పరీక్ష పై చర్చా కార్యక్రమాన్ని నిర్వహించగా సూచనలను తెలియచేసినందుకు ప్రధాన మంత్రి ప్రసంశిస్తూ లేఖ పంపడం ఆనందంగా ఉందని తెలిపారు.
రాబోయే 25 ఏళ్లల్లో భారతదేశం అగ్రదేశంగా నిలిచేందుకు ప్రతిభావంతులైన యువతను దేశానికి అందించాల్సి ఉందని, అందుకు అనుగుణంగా ఉపాధ్యాయులు విద్యార్థులను తీర్చి దిద్దుతారన్న నమ్మకం ఉందని పీఎం ఆ లేఖలో పేర్కొన్నారని తెలిపారు. హెచ్‌ఎంను పాఠశాల ఉపాధ్యాయులు సత్కరించారు.
