JEE Advanced 2025-26: జేఈఈ(అడ్వాన్స్‌డ్‌)–2025 పరీక్ష షెడ్యూల్ విడుద‌ల‌.. వీరు మాత్ర‌మే అర్హులు!

అర్హత: జేఈఈ మెయిన్‌లో అర్హత సాధించిన అభ్యర్థులు మాత్రమే జేఈఈ అడ్వాన్స్‌డ్‌ పరీక్ష రాయడానికి అర్హులు. అండర్‌ గ్రాడ్యుయేట్‌ కోర్సుల్లో ప్రవేశానికి రెండుసార్లు మాత్రమే పరీక్షకు అనుమతి ఉంటుంది. అంటే ఇంటర్‌ పాసైన సంవత్సరంతో పాటు ఆ తర్వాత ఏడాది మాత్రమే ఈ పరీక్ష రాయడానికి అవకాశం ఉంటుంది. మే నెలలో జరిగే అడ్వాన్స్‌డ్‌ పరీక్షకు 2024 మార్చి, 2025 మార్చిలో జరిగే ఇంటర్‌ లేదా తత్సమానమైన పరీక్షల్లో పాసైనవారు మాత్రమే అర్హులు. అంతకంటే ముందు ఉత్తీర్ణులైనవారికి అవకాశం ఉండదు.
వయసు: అభ్యర్థులు 01.10.2000 లేదా తర్వాత జన్మించి ఉండాలి. ఎస్సీ,ఎస్టీ, పీడబ్ల్యూడీ అభ్యర్థులకు ఐదేళ్లు వయసు సడలింపు ఉంటుంది.
పరీక్ష విధానం: కంప్యూటర్‌ ఆధారిత పరీక్ష నిర్వహిస్తారు. మొత్తం రెండు పేపర్లు ఉంటాయి. అవి.. పేపర్‌–1, పేపర్‌–2. ఫిజిక్స్, కెమిస్ట్రీ, మ్యాథమేటిక్స్‌ సబ్జెక్టుల నుంచి ప్రశ్నలు వస్తాయి. ఇంగ్లిష్, హిందీ భాషల్లో ప్రశ్నాపత్రం ఉంటుంది. ఒక్కో పేపర్‌కు పరీక్ష సమయం మూడు గంటలు. 

చదవండి: జేఈఈ (మెయిన్స్‌ & అడ్వాన్స్‌డ్‌) | గైడెన్స్ | వీడియోస్

ముఖ్యమైన తేదీలు

• దరఖాస్తు విధానం: ఆన్‌లైన్‌ ద్వారా.
• ఆన్‌లైన్‌ రిజిస్ట్రేషన్‌ ప్రారంభతేది: 23.04.2025
• ఆన్‌లైన్‌ రిజిస్ట్రేషన్‌కు చివరితేది: 02.05.2025
• ఫీజు చెల్లింపునకు చివరితేది: 05.05.2025.
• అడ్వాన్స్‌డ్‌ పరీక్ష తేది: 18.05.2025.
• వెబ్‌సైట్‌: https://jeeadv.ac.in