దరఖాస్తు రిజిస్ట్రేషన్ ప్రక్రియ సెప్టెంబర్‌ 13న మధ్యాహ్నం నుంచి ప్రారంభమవుతుందని పరీక్ష నిర్వహణ సంస్థ ఐఐటీ ఖరగ్‌పూర్‌ పేర్కొంది. వాస్తవానికి దరఖాస్తు ప్రక్రియ సెప్టెంబర్‌ 12 నుంచే ప్రారంభం కావలసి ఉంది. కానీ ఈ పరీక్షకు అర్హత అయిన జేఈఈ మెయిన్ –2021 ఫలితాలు వెలువడక పోవడంతో దరఖాస్తు ప్రక్రియను ఒక రోజు వాయిదా వేసింది. జేఈఈ అడ్వాన్స్ డ్‌కు ఈనెల 19 వరకు దరఖాస్తు చేసుకోవచ్చు. రిజిస్ట్రేషన్ ఫీజును సెప్టెంబర్‌ 20 వరకు చెల్లించవచ్చు. సెప్టెంబర్‌ 25 నుంచి అక్టోబర్‌ 3వ తేదీ వరకు అడ్మిట్‌ కార్డులు సంబంధిత వెబ్‌సైట్లో అందుబాటులో ఉంటాయి. జేఈఈ అడ్వాన్స్ డ్‌ పరీక్ష అక్టోబర్‌ 3వ తేదీన జరగనుంది. ఉదయం 9 నుంచి 12 గంటల వరకు పేపర్‌–1, మధ్యాహ్నం 2.30 నుంచి 5.30 గంటల వరకు పేపర్‌–2 పరీక్ష ఉంటుంది. వాస్తవానికి ఈ పరీక్ష జూలై 3న నిర్వహించాల్సి ఉండగా, కరోనా కారణంగా జేఈఈ మెయిన్ పరీక్షలు ఆలస్యం కావడంతో అక్టోబర్‌ 3కు వాయిదా పడింది. అభ్యర్థులకు వారి రెస్పా న్స్ షీట్లు అక్టోబర్‌ 5వ తేదీ నుంచి అందుబాటులో ఉంటాయి. అక్టోబర్‌ 10న ప్రాథమిక కీని విడుదల చేయనున్నారు. ప్రాథమిక కీపై అభ్యర్థుల అభిప్రాయాలను ఆధారాలతో సహా అక్టోబర్‌ 11వ తేదీ వరకు సమర్పించవచ్చు.
చదవండి:
దేశంలోనే బెస్ట్‌ ఇన్‌స్టిట్యూట్స్‌లో చ‌ద‌వాలంటే.. సాధించాల్సిన టాప్‌ ఎంట్రెన్స్‌లు ఇవే..!
జేఈఈ అడ్వాన్స్‌డ్‌ సబ్జెక్ట్‌ల వారీగా ప్రిపరేషన్‌ సాగించండిలా.. విజయం సాధించండలా..
More Articles
