సెప్టెంబర్ 1 నుంచి జేఈఈ మెయిన్ దరఖాస్తులు

దీనికి అవసరమైన అన్ని ఏర్పాట్లను నేషనల్ టెస్టింగ్ ఏజెన్సీ(ఎన్‌టీఏ) పూర్తి చేసింది. ఇప్పటివరకు ఈ పరీక్షను సీబీఎస్‌ఈ నిర్వహించగా, ఇప్పుడు ఎన్‌టీఏ ఆధ్వర్యంలో పరీక్షల నిర్వహణకు కేంద్ర ప్రభుత్వం చర్యలు చేపట్టింది. దీంతో ఎన్‌టీఏ తమ వెబ్‌సైట్‌ను (https://www.nta.ac.in) అందుబాటులోకి తెచ్చింది. విద్యార్థులు ఈ వెబ్‌సైట్ ద్వారానే ఆన్‌లైన్‌లో దరఖాస్తు చేసుకోవాలని ఎన్‌టీఏ పేర్కొంది. రానున్న జనవరిలో నిర్వహించే జేఈఈ పరీక్ష కోసం సెప్టెంబర్ 1 నుంచి 30 వరకు దరఖాస్తులు స్వీకరించనుంది. ఈ పరీక్షలను 2019 జనవరి 6 నుంచి 20 వరకు నిర్వహించనుంది. ఫలితాలను జనవరి 31న విడుదల చేయనుంది. మరోవైపు యూజీసీ నెట్‌కు సెప్టెంబర్ 1 నుంచి 30 వరకు దరఖాస్తులను స్వీకరించేందుకు ఎన్‌టీఏ ఏర్పాట్లు చేసింది.