దూరవిద్య ఎస్సెస్సీ, ఇంటర్ పరీక్ష తేదీల్లో మార్పు

 పాఠశాలల్లో సమ్మేటివ్ అసెస్‌మెంట్ (ఎస్‌ఏ)-1 పరీక్షల తేదీల్లో మార్పులు చేసిన నేపథ్యంలో ఓపెన్ స్కూల్ ఎస్సెస్సీ, ఇంటర్మీడియట్ పరీక్ష తేదీల్లో కూడా మార్పులు చేయాల్సి వచ్చిందన్నారు. ఇంటర్మీడియట్ పరీక్షలను నవంబర్4, 5, 6, 7, 8, 13, 14, 15, 16 తేదీల్లో నిర్వహిస్తామని పేర్కొన్నారు. ఎస్సెస్సీ పరీక్షలను నవంబర్4, 5, 6, 7, 8, 9, 11, 13, 14, 15, 16 తేదీల్లో జరుపుతామని వివరించారు. పరీక్షలు ప్రతి రోజు ఉదయం 9:30 గంటల నుంచి మధ్యాహ్నం 12:30 గంటల వరకు ఉంటాయన్నారు. ఇంటర్మీడియట్ జనరల్, వొకేషనల్ ప్రాక్టికల్ పరీక్షలను నవంబర్18 నుంచి 20వ తేదీ వరకు నిర్వహిస్తామన్నారు.