అవగాహన ఉంటే ఓటీపీఆర్‌ సులువే..

ఈ విధానం కొత్త కావడంతో చాలా మంది అభ్యర్థులు రిజిస్ట్రేషన్ సమయంలో ఇబ్బందులకు గురవుతున్నారు. వీటితో పాటు ఫారం మొత్తం నింపిన తర్వాత సబ్‌మిట్ కొట్టే సమయంలో టెక్నికల్ సమస్యలు వస్తున్నాయి. దీంతో మళ్లీ మొదటినుంచి రావాల్సి ఉంటుంది. ఓటీపీఆర్, గ్రూప్-2 కి దరఖాస్తు చేయాలంటే కనీసం 30 నుంచి 50 నిమిషాల సమయం పడుతుంది. ఈ నేపథ్యంలో వన్‌టైం ప్రొఫైల్ రిజిస్ట్రేషన్ మరియు గ్రూప్-2 దరఖాస్తు విధానాన్ని చిత్రపటాల సహాయంతో మీకందిస్తున్నాం. దీనిని అనుసరించడంతో సులువుగా దరఖాస్తు చేయవచ్చు. మీ విలువైన సమయం ఆదా అవుతుంది.

సిద్ధంగా ఉంచుకోవాల్సినవి: దరఖాస్తు చేసే అభ్యర్థులు ముఖ్యంగా కింది విషయాలకు సంబంధించిన సమాచారాన్ని సిద్ధంగా ఉంచుకోవాలి. అవి

ప్రాథమిక వివరాలు: అభ్యర్థి పేరు, తల్లితండ్రుల పేర్లు, పుట్టిన తేది, పుట్టిన ప్రదేశం,ఆధార్ నంబర్, మాతృభాష, మతం, పుట్టుమచ్చలు, చిరునామా తదితరాలు

విద్యాభ్యాసం వివరాలు: ఒకటో తరగతి నుంచి పది, ఇంటర్, డిప్లమో, డిగ్రీ, పీజీ, పీహెచ్‌డీ, ఎంఫిల్ వంటి తరగతులకు సంబంధించి పాఠశాల, కళాశాల, విశ్వవిద్యాలయం పేరు, చదివిన ప్రదేశం, జిల్లా, గ్రూప్స్ (సబ్జెక్టులు), రోల్‌నెంబర్ (హాల్‌టికెట్ నంబర్), ఉత్తీర్ణతా శాతాలు /గ్రేడ్‌లు, ఉత్తీర్ణత చెందిన సంవత్సరం తదితరాలు

ఉద్యోగానుభవం వివరాలు: ఇదివరకే ఉద్యోగానుభం ఉంటే కంపెనీ వివరాలు, అనుభవం వంటి విషయాలు గుర్తుంచుకోవాలి.

ఫోటోగ్రాఫ్, సంతకం: 50 kb కి మించకుండా 3.5 cm × 4.5 cm సైజులో పాస్‌పోర్ట్ ఫోటో మరియు 30kb కి మించకుండా 3.5 cm × 1.5 cm సైజులోసంతకంను JPG/JPEG ఫార్మాట్‌లో సిద్ధంగా ఉంచుకోవాలి. సైజుల్లో ఏ మాత్రం తేడా ఉన్న ఫోటో, సంతకం అప్‌లోడ్ కావు.

పోస్టుల వివరాలు: నోటిఫికేషన్ క్షుణ్నంగా చదివి పోస్టుల పేర్లు, పోస్టు కోడ్‌లు, పోస్టుల ప్రాధాన్యత క్రమం, జోన్ల ప్రాధాన్యత క్రమం వంటి వివరాలతో సిద్ధంగా ఉండాలి.

కొత్తగా నమోదు చేసుకునేవారు..

• మొదట https://www.psc.ap.gov.in అనేవెబ్‌సైట్‌ను ఓపెన్ చేయాలి.
• అనంతరం వెబ్‌సైట్ కుడివైపున ఉండే One TimeProfile Registration అనే ఆప్షన్‌పై క్లిక్ చేయాలి.
  
• తర్వాత వచ్చే పేజీలో Direct Recruitment ను ఎంపిక చేసుకొని Continue నొక్కాలి.
  
• ఇప్పుడు వచ్చే పేజీలో New Registration, Modify Registration, Confirm Registration అనే 3 ఆప్షన్లుంటాయి. వాటిలో New Registration క్లిక్ చేయాలి.
  
• ఇప్పుడు రిజిస్ట్రేషన్ ఫారం వస్తుంది. ఇందులో సిద్ధంగా ఉంచుకున్న ప్రాథమిక వివరాలతో పాటు, విద్యాభ్యాసం, ఉద్యోగానుభవం, పరీక్ష కేంద్రాల ప్రాధాన్యత నింపాలి. తర్వాత ఫోటో, సంతకం జతచేసి "I accept the above declaration" ను ఆమోదిస్తూ Preview నొక్కాలి.
  
• తర్వాత వచ్చిన పేజీలో నింపిన వివరాలన్ని సరిచూసుకొని Submit కొట్టాలి.
  
• అప్పుడు Registration completed Successfully అని ఒక సందేశం వస్తుంది. దాంతో పాటే మొబైల్, ఈ మెయిల్‌కు కూడా రెండు వేరు వేరు రెఫరెన్స్ కోడ్‌లు వస్తాయి. వీటి ద్వారా రిజిస్ట్రేషన్‌ను Confirm చేయాలి.

రిజిస్ట్రేషన్‌ను Confirm చేయడం

• వెబ్‌సైట్ కుడివైపున ఉండే One TimeProfile Registration అనే ఆప్షన్‌పై క్లిక్ చేయాలి.
  
• తర్వాత వచ్చే New Registration, Modify Registration, Confirm Registration అనే 3 ఆప్షన్లున్న పేజీలో Confirm Registration క్లిక్ చేయాలి.
  
• తర్వాత వచ్చే పేజీలో రెఫరెన్స్ ఐడీ, పేజీలో కన్పించే captcha ఎంటర్ చేసి Go అనే ఆప్షన్ క్లిక్ చేయాలి.
  
• అలా వచ్చిన పేజీలో మొబైల్, ఈమెయిల్‌కు వచ్చిన రెఫరెన్స్ కోడ్‌లను ఎంటర్ చేసి Confirm Registration నొక్కాలి.
  
• చివరగా మీ రిజిస్ట్రేషన్ విజయవంతంగా పూర్తయిందని సందేశం వస్తుంది. వెంటనే మొబైల్, మెయిల్‌కు Username, Password వస్తాయి. ఇవి ఎప్పటికీ గుర్తుంచుకోవాలి. ఒకవేళ మరిచిపోయినట్లయితే Forgot Username/ Password ఆప్షన్ ద్వారా తిరిగి పొందొచ్చు.
  

రిజిస్ట్రేషన్‌లో మార్పులు చేర్పులు

• వెబ్‌సైట్ కుడివైపున ఉండే One TimeProfile Registration అనే ఆప్షన్‌పై క్లిక్ చేయాలి.
  
• తర్వాత వచ్చే New Registration, Modify Registration, Confirm Registration అనే 3 ఆప్షన్లున్న పేజీలో Modify Registration క్లిక్ చేయాలి.
  
• తర్వాత వచ్చే పేజీలో రెఫరెన్స్ ఐడీ, పుట్టిన తేది, పేజీలో కన్పించే captcha ఎంటర్ చేసి Submit అనే ఆప్షన్ క్లిక్ చేయాలి.
  
• ఇప్పుడు అభ్యర్థి వివరాలతో కూడిన రిజిస్ట్రేషన్ ఫారం వస్తుంది. ఇందులో మార్పులు చేర్పులు చేసుకొని సబ్‌మిట్ నొక్కితే వివరాలన్నీ Save అవుతాయి.
  

గ్రూప్-2 కి ఎలా దరఖాస్తు చేయాలి?
ప్రొఫైల్ రిజిస్ట్రేషన్ విజయవంతంగా పూర్తయింది సరే. మరి గ్రూప్-2 కి ఎలా దరఖాస్తు చేయాలో ఇక్కడ వివరించాం.

• వెబ్‌సైట్ కుడివైపున ఉండే Online Application Submissionఅనే ఆప్షన్‌పై క్లిక్ చేయాలి.
  
• తర్వాత వచ్చే పేజీలో GROUP-II SERVICES (NOTIFICATION NO. 18/2016, Dt.08/11/2016 అనే ఆప్షన్ ఎంపిక చేసుకొని Confirm క్లిక్ చేయాలి.
  
• అనంతరం Declaration ను ఎంపిక చేసుకొని రిఫరెన్స్ ఐడీ ఎంటర్ చేసి Submit అనే ఆప్షన్ క్లిక్ చేయాలి.
  
• ఇప్పుడు గ్రూప్-2 దరఖాస్తు ఫారం వస్తుంది. దీనిలో ఆధార్‌పై ఉన్నట్లుగా అభ్యర్థి పేరు, చిరునామా నింపాలి. విద్యార్హతలను మరోసారి నింపి పోస్టుల పేర్లు, పోస్టు కోడ్‌లు, పోస్టుల ప్రాధాన్యత క్రమం, జోన్ల ప్రాధాన్యత క్రమంను ఎంపిక చేసుకోవాలి.
• పోస్టుల ప్రాధాన్యత క్రమం ఇచ్చే సమయంలో పోస్టు, దాని ప్రధాన్యత క్రమంను ఎంపిక చేసుకొని Add అని నొక్కాలి. ఇలా ఎన్ని పోస్టులకు ప్రాధాన్యత క్రమం ఇవ్వాలనుకుంటే అన్ని సార్లు చేయాలి.
  
  
• తర్వాత జోన్‌లు, పరీక్షా కేంద్రాలు ఎంపకచేసుకోవాలి. చివరగా Declaration ను ఎంపిక చేసుకొని అన్ని వివరాలు సరిగా చూసుకొని నొక్కాలి.
  
• అప్పుడు You have applied successfully అనే సందేశం వస్తుంది. దాంతో పాటు ఫీజు చెల్లింపునకు కొనసాగించమనే సందేశం కూడా ఉంటుంది.
  
• అక్కడ OK నొక్కగానే కింది పేజీ వస్తుంది. అందులో Proceed Payment ను క్లిక్ చేయాలి.
  
• ఇప్పుడు వచ్చే పేజీలో Payment Option ను ఎంపిక చేసుకొని Make Payment నొక్కాలి.
  
• అనంతరం వచ్చే పేజీలో డెబిట్, క్రెడిట్, నెట్‌బ్యాంకింగ్ ఆప్షన్లను ఎంపిక చేసుకొని ఫీజు చెల్లించాలి.
  
• ఫీజు చెల్లింపు పూర్తయిన తర్వాత గ్రూప్-2 దరఖాస్తు ఫారం వస్తుంది. భవిషత్తు అవసరాల కోసం దానిని డౌన్‌లోడ్ చేసుకోవాలి.

వెబ్‌సైట్: https://www.psc.ap.gov.in/