-రమ్య, చిత్తూరు
Question
క్లినికల్ రీసెర్చ్ కోర్సును అందిస్తున్న సంస్థల వివరాలు, ఉద్యోగావకాశాలను వివరించండి?
- మెడికల్ డ్రగ్స్, మెడికల్ ఎక్విప్‌మెంట్, డయాగ్నాస్టిక్ పద్ధతులు, ట్రీట్‌మెంట్ వంటి వాటిపై క్లినికల్ రీసెర్చ్ అధ్యయనం చేస్తుంది. క్లినికల్ ట్రయల్స్ పేరుతో వివిధ రకాలుగా మెడికల్ డ్రగ్స్‌పై పరిశోధనలు చేస్తూ, వాటి సైడ్ అఫెక్ట్స్‌పై అధ్యయనం చేస్తారు.
- హైదరాబాద్‌లోని ఇండియన్ ఇన్‌స్టిట్యూట్ ఆఫ్ క్లినికల్ రీసెర్చ్, ఇండియా.. క్లినికల్ రీసెర్చ్‌లో ఎంఎస్సీని అందిస్తోంది.
అర్హత: కనీసం 50 శాతం మార్కులతో బయోసైన్స్/లైఫ్‌సైన్స్ సబ్జెక్టులతో బీఎస్సీ/ఎంఎస్సీ లేదా కెమిస్ట్రీ ఒక సబ్జెక్టుగా 50 శాతం మార్కులతో బీఎస్సీ/ఎంఎస్సీ.
ప్రవేశం: రాతపరీక్ష, పర్సనల్ ఇంటర్వ్యూల్లో ఉత్తీర్ణత ఆధారంగా.
వెబ్‌సైట్: www.icriindia.com
- హైదరాబాద్‌లోని క్లిన్నోవో ఆరు నెలల క్లినికల్ డేటాబేస్ మేనేజ్‌మెంట్‌లో పీజీ డిప్లొమాతోపాటు మూడు నెలల శిక్షణ అందిస్తోంది.
అర్హత: సైన్స్ స్ట్రీంలో డిగ్రీ
వెబ్‌సైట్: www.clinnovo.com
- విధులు: మెడికల్ ప్రాక్టీస్ చేసేవారికి.. తయారుచేసిన డ్రగ్స్‌ను అందించటం, దాని వల్ల వచ్చే ప్రభావాలను తెలుసుకొని నివేదికలు తయారుచేసి విశ్లేషించి, ఒక కంక్లూజన్‌కి రావటం వీరి విధులు. అకడమిక్ అర్హతలతోపాటు ఇందులో పని అనుభవం ఆధారంగా వీటిలో ఏదో ఒక టాస్క్‌ను నిర్వహిస్తారు.
- ఉద్యోగావకాశాలు: ఈ కోర్సు పూర్తిచేశాక హాస్పిటల్స్, ఫార్మాస్యూటికల్ కంపెనీలు, బయోటెక్నాలజీ కంపెనీలు, డయాగ్నస్టిక్ సెంటర్లలో ఉద్యోగాలు పొందవచ్చు.
