ఉస్మానియా యూనివర్సిటీ: ఏపీతో పాటు తెలంగాణవ్యాప్తంగా మే 20న జరగనున్న టీఎస్ఈసెట్–2023కు ఏర్పాట్లు పూర్తి చేసినట్లు కన్వీనర్ ప్రొఫెసర్ శ్రీరామ్ వెంకటేష్ పేర్కొన్నారు.
టీఎస్ఈసెట్–2023 పరీక్ష నియమ నిబంధనలు ఇవే..
మే 18న ఓయూ కార్యాలయంలో టీఎస్ఈసెట్–2023 నియమ నిబంధనలను కన్వీనర్ విడుదల చేశారు. అనంతరం ఆయన మాట్లాడుతూ హైదరాబాద్లో 40 పరీక్ష కేంద్రాలతో పాటు తెలంగాణ జిల్లాలో 44, ఏపీలో 7 కేంద్రాల్లో ఉదయం 9 గంటల నుంచి 12 గంటల వరకు జరగనున్న ఈసెట్ ఆన్లైన్ పరీక్షకు 7.30 గంటలకు చేరుకోవాలని సూచించారు.