భారత కాలమానం ప్రకారం ఆదివారం అర్ధరాత్రి దాటాక ముగిసిన ఖతర్‌ గ్రాండ్‌ప్రిలో వెర్స్టాపెన్ చాంపియన్‌గా నిలిచాడు. నిర్ణీత 57 ల్యాప్‌లను వెర్స్టాపెన్ అందరికంటే వేగంగా ఒక గంటా 27 నిమిషాల 39.168 సెకన్లలో ముగించి అగ్రస్థానాన్ని దక్కించుకున్నాడు.
Asian Games 2023: జయహో భారత్‌ 107
ఆస్కార్‌ పియస్ట్రీ (మెక్‌లారెన్‌) రెండో స్థానంలో, లాండో నోరిస్‌ (మెక్‌లారెన్‌) మూడో స్థానంలో నిలిచారు. ప్రపంచ మాజీ చాంపియన్‌ లూయిస్‌ హామిల్టన్‌ (మెర్సిడెస్‌), కార్లోస్‌ సెయింజ్‌ (ఫెరారీ) తొలి ల్యాప్‌లోనే వెనుదిరిగారు. ఈ ఫలితంతో వెర్స్టాపెన్ ఈ సీజన్‌లో మరో ఐదు రేసులు మిగిలి ఉండగానే 433 పాయింట్లతో ప్రపంచ డ్రైవర్స్‌ చాంపియన్షిప్ టైటిల్‌ను కైవసం చేసుకున్నాడు.
22 రేసుల ఈ సీజన్‌లో ఇప్పటి వరకు 17 రేసులు ముగిశాయి. ఇందులో 14 రేసుల్లో వెర్స్టాపెన్, రెండు రేసుల్లో పెరెజ్‌ (రెడ్‌బుల్‌), మరో రేసులో కార్లోస్‌ సెయింజ్‌ (ఫెరారీ) గెలిచారు. 2021, 2022లలో కూడా వెర్స్టాపెన్ ప్రపంచ చాంపియన్షిప్ టైటిల్‌ను సాధించాడు. ఈ సీజన్‌లోని తదుపరి రేసు యూఎస్‌ఎ గ్రాండ్‌ప్రి ఈనెల 22న జరుగుతుంది.
Asian Games 2023 badminton: పురుషుల బ్యాడ్మింటన్‌లో భారతకు స్వ‌ర్ణం
More Articles
Most Read
