సయ్యద్‌ మోదీ ఓపెన్‌ సూపర్‌–300 టోర్నీ మహిళల సింగిల్స్‌ విభాగంలో భారత బ్యాడ్మింటన్‌ స్టార్‌ పూసర్ల వెంకట(పీవీ) సింధు విజేతగా నిలిచింది. జనవరి 23న ఉత్తర ప్రదేశ్‌ రాష్ట్ర రాజధాని నగరం లక్నోలో ముగిసిన ఈ టోర్నీ మహిళల సింగిల్స్‌ విభాగం సింగిల్స్‌ ఫైనల్లో టాప్ సీడ్‌ సింధు.. 21–13, 21–16తో భారత్‌కే చెందిన మాళవిక బన్సోద్‌పై గెలిచి, టైటిల్‌ కైవసం చేసుకుంది. 2019 ఆగస్టులో ప్రపంచ చాంపియన్‌షిప్‌లో టైటిల్‌ సాధించిన తర్వాత సింధు గెలిచిన మరో అంతర్జాతీయ టైటిల్‌ ఇదే కావడం విశేషం. చాంపియన్‌గా నిలిచిన సింధుకు 11,250 డాలర్ల ప్రైజ్‌మనీ (రూ. 8 లక్షల 55 వేలు), 7000 ర్యాంకింగ్‌ పాయింట్లు లభించాయి. సయ్యద్‌ మోదీ ఓపెన్‌లో సింధు విజేతగా నిలువడం ఇది రెండోసారి. 2017లోనూ సింధు ఈ టోర్నీలో చాంపియన్‌గా నిలిచింది.
రన్నరప్‌ గాయత్రి జోడీ..
- మహిళల డబుల్స్‌ విభాగంలో పుల్లెల గాయత్రి–త్రిషా జాలీ (భారత్‌) జంట రన్నరప్‌గా నిలిచింది. ఫైనల్లో గాయత్రి–త్రిషా ద్వయం 12–21, 13–21తో అనా చింగ్‌ యిక్‌ చియోంగ్‌–తియో మె జింగ్‌ (మలేసియా) జోడీ చేతిలో ఓడిపోయింది.
- పురుషుల డబుల్స్‌ ఫైనల్లో పంజాల విష్ణువర్ధన్‌ గౌడ్‌–గారగ కృష్ణ ప్రసాద్‌ (భారత్‌) ద్వయం 18–21, 15–21తో మాన్‌ వె చోంగ్‌–కయ్‌ వున్‌ తీ (మలేసియా) జంట చేతిలో ఓటమి చవిచూసి రన్నరప్‌ ట్రోఫీతో సరిపెట్టుకుంది.
- మిక్స్‌డ్‌ డబుల్స్‌ ఫైనల్లో ఇషాన్‌ భట్నాగర్‌–తనీషా క్రాస్టో (భారత్‌) జంట 21–16, 21–12తో హేమ నాగేంద్ర బాబు–గురజాడ శ్రీవేద్య (భారత్‌) జోడీపై నెగ్గి టైటిల్‌ దక్కించుకుంది.
చ‌ద‌వండి: ఇండియా ఓపెన్‌ పురుషుల టైటిల్‌ సొంతం చేసుకున్న ద్వయం?
క్విక్‌ రివ్యూ :
ఏమిటి : సయ్యద్‌ మోదీ ఓపెన్‌ సూపర్‌–300 టోర్నీ మహిళల సింగిల్స్‌ విభాగంలో విజేతగా నిలిచిన క్రీడాకారిణి?
ఎప్పుడు : జనవరి 23
ఎవరు : భారత బ్యాడ్మింటన్‌ స్టార్‌ పూసర్ల వెంకట(పీవీ) సింధు
ఎక్కడ : లక్నో, ఉత్తర ప్రదేశ్‌
ఎందుకు : ఫైనల్లో టాప్ సీడ్‌ సింధు.. 21–13, 21–16తో భారత్‌కే చెందిన మాళవిక బన్సోద్‌పై గెలిచినందున..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
