Cricket: మహిళల వన్డే వరల్డ్‌కప్‌–2022లో విజేతగా నిలిచిన జట్టు?

మహిళల క్రికెట్‌ వన్డే వరల్డ్‌కప్‌–2022లో ఆస్ట్రేలియా జట్టు విజేతగా నిలిచింది. ఏప్రిల్‌ 3న న్యూజిలాండ్‌లోని క్రైస్ట్‌చర్చ్‌ వేదికగా జరిగిన ఫైనల్లో ఆస్ట్రేలియా 71 పరుగుల ఆధిక్యంతో డిఫెండింగ్‌ చాంపియన్‌ ఇంగ్లండ్‌ ఘనవిజయం సాధించి ఏడోసారి విజేతగా నిలిచింది. టాస్‌ గెలిచిన ఇంగ్లండ్‌ కెప్టెన్‌ హీతెర్‌ నైట్‌ ఫీల్డింగ్‌ ఎంచుకోగా... మెగ్‌ లానింగ్‌ కెప్టెన్సీలోని ఆస్ట్రేలియా జట్టు తొలుత బ్యాటింగ్‌కు దిగి 50 ఓవర్లలో 5 వికెట్లకు 356 పరుగులు చేసింది. 357 పరుగుల భారీ లక్ష్యంతో బరిలోకి దిగిన ఇంగ్లండ్‌ 43.4 ఓవర్లలో 285 పరుగులకు ఆలౌటై ఓడిపోయింది. టోర్నీ మొత్తంలో 509 పరుగులు సాధించి టాప్‌ స్కోరర్‌గా నిలిచిన  ఆసీస్‌ ఓపెనర్‌ అలీసా హీలీకి ‘ప్లేయర్‌ ఆఫ్‌ ద టోర్నీ’... ‘ప్లేయర్‌ ఆఫ్‌ ద ఫైనల్‌’ అవార్డులు లభించాయి. విజేతగా నిలిచిన ఆస్ట్రేలియాకు 13 లక్షల 20 వేల డాలర్లు (రూ. 10 కోట్లు), రన్నరప్‌ ఇంగ్లండ్‌కు 6 లక్షల డాలర్లు (రూ. 4 కోట్ల 55 లక్షలు) ప్రైజ్‌మనీగా లభించాయి.

FIFA World Cup 2022: ఫుట్‌బాల్‌ ప్రపంచకప్‌కు ఆతిథ్యం ఇవ్వనున్న దేశం?

విశేషాలు..

• ఒకే ప్రపంచకప్‌ టోర్నీ నాకౌట్‌ మ్యాచ్‌ల్లో (సెమీఫైనల్, ఫైనల్‌) సెంచరీలు చేసిన తొలి క్రికెటర్‌ అలీసా. గతంలో పురుషుల క్రికెట్‌లో పాంటింగ్‌ (ఆస్ట్రేలియా; 2003 ఫైనల్, 2011 క్వార్టర్‌ ఫైనల్‌), జయవర్ధనే (శ్రీలంక; 2007 సెమీఫైనల్, 2011 ఫైనల్‌) వేర్వేరు ప్రపంచకప్‌ టోర్నీ నాకౌట్‌ మ్యాచ్‌ల్లో సెంచరీలు చేశారు.
• పురుషుల, మహిళల ప్రపంచకప్‌ టోర్నీ ఫైనల్స్‌లో అత్యధిక వ్యక్తిగత స్కోరు చేసిన బ్యాటర్‌గా అలీసా హీలీ రికార్డు సృష్టించింది. శ్రీలంకతో 2007 పురుషుల ప్రపంచకప్‌ ఫైనల్లో ఆస్ట్రేలియా ప్లేయర్‌ ఆడమ్‌ గిల్‌క్రిస్ట్‌ (149) స్కోరును అలీసా అధిగమించింది. అలీసా 170 వ్యక్తిగత స్కోరు చేసింది.
• ఇప్పటివరకు 12 సార్లు మహిళల ప్రపంచకప్‌ టోర్నీలు జరగ్గా... ఫైనల్‌ మ్యాచ్‌లో నమోదైన అత్యధిక స్కోరు(356) ఇదే.
• ఆస్ట్రేలియా సాధించిన ప్రపంచకప్‌ టైటిల్స్‌ 7. గతంలో ఆసీస్‌ 1978, 1982, 1988, 1997, 2005, 2013లలో కూడా విజేతగా నిలిచింది.

Miami Open 2022: మయామి ఓపెన్‌ టోర్నీలో విజేతగా నిలిచిన క్రీడాకారిణి?

క్విక్‌ రివ్యూ   :
ఏమిటి    : మహిళల క్రికెట్‌ వన్డే వరల్డ్‌కప్‌–2022లో విజేతగా నిలిచిన జట్టు?
ఎప్పుడు : ఏప్రిల్‌ 03
ఎవరు    : ఆస్ట్రేలియా మహిళల జట్టు
ఎక్కడ    : క్రైస్ట్‌చర్చ్, న్యూజిలాండ్‌
ఎందుకు : ఫైనల్లో ఆస్ట్రేలియా 71 పరుగుల ఆధిక్యంతో డిఫెండింగ్‌ చాంపియన్‌ ఇంగ్లండ్‌ ఘనవిజయం సాధించినందున..

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌