The Challenge: అంతరిక్షంలో సినిమా చిత్రీకరించిన తొలి దేశం?
![The Challenge](/sites/default/files/images/2021/10/18/challenge-1634558492.jpg)
అంతర్జాతీయ అంతరిక్ష కేంద్రంలో 12 రోజుల పాటు సినిమా షూటింగ్ విజయవంతంగా ముగించుకుని రష్యా సినిమా బృందం తిరిగి భూమికి చేరుకుంది. ఒలెగ్ నోవిట్స్కీ(వ్యోమగామి), యులియా పెరెసిల్డ్(నటి), క్లిమ్ షిపెంకో(దర్శకుడు)లతో కూడిన సోయుజ్ అంతరిక్ష నౌక అక్టోబర్ 17న కజకిస్తాన్లోని మైదాన ప్రాంతంలో దిగింది. ‘‘ది చాలెంజ్’’ అనే సినిమా చిత్రీకరణ కోసం దర్శకుడు షిపెంకో, నటి యులియాతో కలిసి 2021, అక్టోబర్ 5వ తేదీన అంతరిక్ష కేంద్రానికి చేరుకున్న విషయం తెలిసిందే. ఐఎస్ఎస్లోనే ఉన్న వ్యోమగామి నోవిట్స్కీతో కలిసి కొన్ని సన్నివేశాలను చిత్రీకరించారు. అక్కడ షూటింగ్ ముగియడంతో వీరు భూమిని చేరుకున్నారు. దీంతో అంతరిక్షంలో సినిమా చిత్రీకరించిన తొలి దేశంగా రష్యా నిలిచింది. ‘ఛాలెంజ్’ను రష్యా అంతరిక్ష సంస్థ రోస్కాస్మోస్ సాయంతో ప్రభుత్వ టీవీ ‘చానెల్ వన్’ నిర్మిస్తోంది.
క్విక్ రివ్యూ :
ఏమిటి : అంతరిక్షంలో సినిమా చిత్రీకరించిన తొలి దేశం?
ఎప్పుడు : అక్టోబర్ 17
ఎవరు : రష్యా
ఎక్కడ : అంతర్జాతీయ అంతరిక్ష కేంద్రం(ఐఎస్ఎస్)
ఎందుకు : ది చాలెంజ్ సినిమా కోసం రష్యా సినిమా బృందం అంతరిక్షంలో షూటింగ్ విజయవంతంగా జరపడంతో...
చదవండి: ఏఎంఆర్టీ25 డ్రోన్ను అభివృద్ధి చేసిన సంస్థ?
డౌన్లోడ్ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్తో పాటు తరగతులకు(అకాడెమిక్స్) సంబంధించిన స్టడీ మెటీరియల్ను పొందడానికి, కెరీర్ అవకాశాలను తెలుసుకోవడానికి సాక్షి ఎడ్యుకేషన్ యాప్ను ఇప్పుడే డౌన్లోడ్ చేసుకోండి.
యాప్ డౌన్లోడ్ ఇలా...
డౌన్లోడ్ వయా గూగుల్ ప్లేస్టోర్