దీనితో 'పన్నులపరంగా ఉపశమనం లభించి, ఇంటింటా ఆనందం వచ్చిందని' పేర్కొంది. జీఎస్‌టీ అమలులోకి వచ్చి ఏడేళ్లయిన సందర్భంగా ఆర్థిక శాఖ ఈ విషయాలను వెల్లడించింది.
➢ అన్‌ప్యాక్డ్‌ గోధుమలు, బియ్యం, పెరుగు, లస్సీ వంటి వాటిపై జీఎస్‌టీ అమలుకు ముందు 2.5–4 శాతం పన్ను ఉండేది. కానీ ఇప్పుడు వాటిపై పన్ను లేదు.
➢ కాస్మెటిక్స్, రిస్ట్‌ వాచీలు, శానిటరీ ప్లాస్టిక్‌ వేర్, ఫర్నిచర్‌ వంటి వస్తువులపై పన్ను రేటు 28 శాతం నుంచి 18 శాతానికి తగ్గింది.
➢ 32 అంగుళాల వరకు టీవీలు, ఫ్రిజ్‌లు, వాషింగ్‌ మెషిన్లు, గీజర్లు వంటి వాటిపై 31.3 శాతం పన్ను ఉండేది. ఇప్పుడు అవి 18 శాతం శ్లాబ్‌లోకి వచ్చాయి.
➢ రూ.2 కోట్ల వార్షిక టర్నోవరు వరకు ఉన్న చిన్న వ్యాపారాలకు రిటర్నులు దాఖలు చేయడం నుంచి మినహాయింపు ఇవ్వడం జరిగింది.
S&P Global Ratings: ఎస్‌అండ్‌పీ గ్లోబల్ అంచనా ప్ర‌కారం భారత ఆర్థిక వృద్ధి రేటు ఎంతంటే..
జీఎస్‌టీ ప్రభావాలు ఇవే..
➢ 2017 జూలై 1 నుంచి 17 రకాల స్థానిక పన్నులు, సెస్సులకు బదులుగా జీఎస్‌టీ అమల్లోకి వచ్చింది.
➢ నిబంధనల పాటింపు మెరుగుపడింది, ట్యాక్స్‌పేయర్ల సంఖ్య గణనీయంగా పెరిగింది.
➢ 2018లో 1.05 కోట్లుగా ఉన్న జీఎస్‌టీ ట్యాక్స్‌పేయర్ల సంఖ్య 2024 ఏప్రిల్ నాటికి 1.46 కోట్లకు చేరింది.
