Medical Counseling: సకాలంలో మెడికల్‌ కౌన్సెలింగ్‌ పూర్తి.. కళాశాలల వివరాలు, సీట్ల వివరాలు కోసం క్లిక్ చేయండి

Sakshi Education

సాక్షి, హైదరాబాద్‌: ఎంబీబీఎస్, బీడీఎస్‌ సీట్ల కౌన్సెలింగ్‌ కోసం ఎదురు చూ స్తున్న విద్యార్థులు, తల్లిదండ్రులు ఆందోళన చెందనక్కర్లేదని, వారం రోజుల్లో కౌన్సెలింగ్‌ ప్రారంభమవుతుందని వైద్య ఆరోగ్యశాఖ మంత్రి దామోదర రాజనర్సింహ సెప్టెంబ‌ర్ 13న‌ రాత్రి ఒక ప్రకటనలో వెల్లడించారు.

Health Minister Damodara Rajanarsimha reassures students and parents about MBBS and BDS counseling MBBSCounselingmedical counseling complete on time Health Minister Damodara Rajanarsimha discusses upcoming MBBS and BDS counseling schedule Health Minister Damodara Rajanarsimha announces MBBS and BDS counseling start date

మెడికల్‌ కౌన్సెలింగ్‌ కమిటీ ఇచ్చిన గడువులోగా ఎంబీబీఎస్‌ కౌన్సెలింగ్‌ను పూర్తి చేసి, తరగతులను ప్రారంభిస్తామని స్పష్టం చేశారు. ఈ విషయంలో ఎలాంటి వదంతులు, అసత్య ప్రచారాలను నమ్మొద్దని ఆయన విజ్ఞప్తి చేశారు.

తెలంగాణ ప్రాంత విద్యార్థులకే సీట్లు దక్కాలన్నది తమ ఆలోచన అని, ఈ విషయంలో రాజీ పడేది లేదని పేర్కొన్నారు. వారం రోజుల్లో కౌన్సెలింగ్‌ ప్రారంభమవుతుందని, ఈలోగా వెబ్‌ ఆప్షన్ల నమోదు కోసం విద్యార్థులు సిద్ధంగా ఉండాలని మంత్రి సూచించారు.

చదవండి: NEET UG 2024 Counselling: నీట్‌ విద్యార్థులకు గుడ్‌న్యూస్‌.. పెరిగిన ఎంబీబీఎస్‌ సీట్లు.. తెలంగాణ, ఏపీకు ఎన్ని సీట్లంటే..

సెప్టెంబ‌ర్ 14న‌ ఉదయం 11 గంటల నుంచి రాష్ట్రంలోని ప్రభుత్వ, ప్రైవేటు కళాశాలల వివరాలు, సీట్ల వివరాలు యూనివర్సిటీ వెబ్‌సైట్‌లో (https://www.knruhs.telangana. gov.in/) అందుబాటులో ఉంటాయని వెల్లడించారు.

గతేడాది ఏయే ర్యాంకు విద్యార్థులకు ఏయే కాలేజీల్లో సీట్లు వచ్చాయన్న వివరాలను కూడా వెబ్‌సైట్‌లో అందుబాటులో ఉంచుతామని వివరించారు. ఆయా వివరాలను పరిశీలించి, తమ ర్యాంకులకు అనుగుణంగా వెబ్‌ ఆప్షన్ల కోసం జాబితాను సిద్ధం చేసుకోవాలని మంత్రి సూచించారు.

Published date : 14 Sep 2024 03:37PM