US Consulate వీసా అప్లికేషన్ సెంటర్ చిరునామా మార్పు
Sakshi Education
సాక్షి, హైదరాబాద్‌: వీసా దరఖాస్తుల కేంద్రం చిరునామాను జనవరి 8వ తేదీ నుంచి మారుస్తున్నట్లు హైదరాబాద్‌లోని యూఎస్ కాన్సులేట్ జనరల్‌ తెలిపింది.
యూఎస్ కాన్సులేట్ వీసా అప్లికేషన్ సెంటర్ చిరునామా మార్పు
ఈ మేరకు ట్విట్టర్‌ ద్వారా కొత్త చిరునామా వివరాలను వెల్లడించింది. మాదాపూర్‌లోని హైటెక్‌ సిటీ మెట్రోస్టేషన్‌ దిగువ కాంకోర్స్‌లో వీసా దరఖాస్తుల కేంద్రం కార్యకలాపాలు కొనసాగుతాయని తెలిపింది.
8వ తేదీ నుంచి గల షెడ్యూల్‌ అపాయింట్‌మెంట్లు, డాక్యుమెంట్ల సమర్పణ, పాస్‌పోర్టు సేకరణ కోసం వచ్చే అభ్యర్థులు కొత్త చిరునామాకు రావాలని కాన్సులేట్ సూచించింది.
