వైద్యవిద్యకు జాతీయ మార్గం...

ఇన్‌స్టిట్యూట్

మొత్తం ప్రశ్నలు

సబ్జెక్ట్‌ల వారీగా

ఎయిమ్స్

200

ఫిజిక్స్- 60; కెమిస్ట్రీ- 60; బయాలజీ- 60; జీకే- 20

ఏఐపీఎంటీ

180

ఫిజిక్స్- 45; కెమిస్ట్రీ- 45; బయాలజీ- 90

జిప్‌మర్

200

ఫిజిక్స్- 40; కెమిస్ట్రీ- 40; బయాలజీ- 80;ఇంగ్లిష్- 40

సీఎంసీ

300

ఫిజిక్స్- 60; కెమిస్ట్రీ- 60; బయాలజీ- 60; జనరల్ ఎబిలిటీ- 120 ప్రశ్నలు(రెండు సెక్షన్లు)

ఎంజీఐఎంఎస్

ఫిజిక్స్- 60; కెమిస్ట్రీ- 60; బయాలజీ- 60; గాంధీ ఆలోచనలు- 60

ఏఐపీఎంటీ ఆధారంగానే బీహెచ్‌యూ, ఏఎఫ్‌ఎంసీ-పుణేలో ప్రవేశం కల్పిస్తారు.

• ఎంసెట్, జాతీయ స్థాయి మెడికల్ ఎంట్రెన్స్ టెస్ట్‌ల్లో మెరుగైన ర్యాంక్ సాధనలో ఫిజిక్స్ పాత్ర కీలకం.
• ఎంసెట్‌తో పోల్చితే జాతీయ స్థాయి పరీక్షల్లో వచ్చే ప్రశ్నలు సులువుగా ఉంటాయి.
• జాతీయ స్థాయి పరీక్షలో ఇంటర్మీడియెట్ మార్కులకు వెయిటేజీ లేదు. కాబట్టి అన్ని పాఠ్యాంశాలను కాన్సెప్ట్‌ల వారీగా ప్రిపేర్ కావడం ప్రయోజనకరం.
• ప్రథమ సంవత్సరంలో గతిశాస్త్రం, ఉష్ణం, ఉష్ణగతికశాస్త్రం వంటి అంశాలపై ఎక్కువగా దృష్టి సారించాలి. ఉష్ణగతిక శాస్త్రంలో గ్రాఫ్‌లకు సంబంధించిన ప్రశ్నలను సాధన చేయాలి.
• ద్వితీయ సంవత్సరంలో ద్వంద్వ స్వభావం, కాంతి విద్యుత్ ఫలితం, అర్ధ వాహకాలలోని ప్రాథమిక అంశాలను క్షుణ్నంగా చదవాలి.
• పాఠ్యాంశాలను చదివేటప్పుడు ముఖ్యాంశాలు, ఫార్ములాలతో కూడిన నోట్స్‌ను రూపొందించుకోవాలి. దీని వల్ల పునశ్చరణ సులువవుతుంది.
• ప్రతి విభాగం నుంచి సిద్ధాంతపరమైన ప్రశ్నలతోపాటు ప్రథమ, ద్వితీయ స్థాయి ప్రశ్నలను అభ్యసించాలి.
• కొన్ని పరీక్షల్లో నెగిటివ్ మార్కింగ్ ఉంటుంది. కాబట్టి కచ్చితంగా తెలిసిన ప్రశ్నలకే సమాధానం ఇవ్వాలి.

• ఎంసెట్‌తోపాటు జాతీయ స్థాయిలో నిర్వహించే అన్ని రకాల మెడికల్ ఎంట్రెన్స్ టెస్ట్‌లకు సమగ్ర ప్రిపరేషన్ సాగించాలి.
• కెమిస్ట్రీలో ప్రాథమిక భావనలపై పట్టు మెరుగైన మార్కులకు దోహదం చేస్తుంది. మొదటి ఏడాది నుంచి ఎన్‌సీఈఆర్‌టీ పుస్తకాలను క్షుణ్నంగా చదవాలి. అంతేకాకుండా గత ప్రశ్నపత్రాలను ప్రాక్టీస్ చేయడంతోపాటు మాక్ టెస్ట్‌లు/మోడల్ టెస్ట్‌లకు తప్పకుండా హాజరు కావాలి. తద్వారా బలాలు, బలహీనతలు తెలుస్తాయి. పరీక్షల్లో సమయపాలనపై అవగాహన కూడా ఏర్పడుతుంది.
• ప్రస్తుతం సాంకేతిక, ఆర్ అండ్ డీ (రీసెర్చ్ అండ్ డెవలప్‌మెంట్) రంగంలో చోటు చేసుకుంటున్న నూతన పరిశోధనలపై ఎక్కువ ప్రశ్నలు వచ్చే అవకాశం ఉంది. కాబట్టి బయో మాలిక్యూల్స్, పాలిమర్స్, కెమిస్ట్రీ ఇన్ ఎవ్రీ డే లైఫ్, ఆర్గానిక్ కెమిస్ట్రీపై దృష్టి సారించాలి.
• అన్ని నేమ్డ్ రియాక్షన్స్, వాటి వ్యవస్థలు (రీజెంట్స్‌తో కలిపి), ఇంటర్ కన్వర్షన్స్, ఆల్కహాల్-ఫినోల్స్-కార్బక్సిలిక్ యాసిడ్స్ PKa విలువలు, అమైన్స్ తదితరాల PKb విలువలను ఎక్కువగా ప్రాక్టీస్ చేయాలి.
• ఫిజికల్ కెమిస్ట్రీ నుంచి ఫార్ములాలతో సంబంధం ఉండే సమస్యలపై ఎక్కువగా దృష్టి సారించాలి.
• ఇనార్గానిక్ కెమిస్ట్రీలో హైడ్రైడ్స్, ఆక్సైడ్స్, హలైడ్స్, ఆక్సీ యాసిడ్స్ వంటి వాటి ప్రతి సమూహ లక్షణాలు, ఉపయోగకర సమ్మేళనాలు, తయారీ సంబంధిత అంశాలను ఎక్కువగా సాధన చేయాలి.
• పరీక్షల్లో విభిన్నమైన ప్రశ్నలు అడిగే అవకాశం ఉంటుంది. కాబట్టి సంబంధిత అంశంపై అవగాహనతో ఉండడం ప్రయోజనకరం.
• కొన్ని పరీక్షల్లో నెగిటివ్ మార్కింగ్ ఉంటుంది. కాబట్టి తెలిసిన ప్రశ్నలకు మాత్రమే సమాధానం ఇవ్వడం ఉత్తమం.

• జాతీయ స్థాయి వైద్య విద్య ప్రవేశ పరీక్షల విషయంలో సిలబస్‌కు సంబంధించి కొద్దిపాటి తేడా మినహా చెప్పుకోదగ్గ స్థాయిలో మార్పులుండవు.
• బోటనీ విషయంలో సిలబస్ దాదాపుగా ఒక్కటే. కానీ యథాతథంగా ఉండదు. ఎందుకంటే ప్రశ్నల క్లిష్టత, ప్రశ్నించే పద్ధతి, పరీక్ష విధానం వేర్వేరుగా ఉంటాయి.
• ప్రిపరేషన్‌లో యూనిట్లు/చాప్టర్ల వారీగా హాజరవుతున్న పరీక్షను దృష్టిలో ఉంచుకుని మోడల్ టెస్ట్ రాయడం ప్రయోజనకరం. తద్వారా పరీక్షా విధానం, ప్రశ్నల క్లిష్టతపై అవగాహన ఏర్పడుతుంది.
• ఏఐపీఎంటీ, కేఎంసీ వంటి పరీక్షల్లో డయాగ్రమ్ ఆధారంగా కూడా ప్రశ్నలు ఉంటాయి. కాబట్టి విద్యార్థులు ఈ అంశంపై కూడా దృష్టి సారించాలి. చిత్రాలను, భాగాలను గుర్తించడం వంటి వాటిని ప్రాక్టీస్ చేయాలి.
• ఎయిమ్స్ వంటి పరీక్షల్లో అసెర్షన్-రీజనింగ్ వంటి ప్రశ్నలు ఎదురవుతాయి. కాబట్టి ఒక అంశానికి సంబంధించిన ప్రాథమిక భావనలపై పట్టు సాధించడం కీలకం. తద్వారా ఇటువంటి ప్రశ్నలకు తేలిగ్గా సమాధానం గుర్తించవచ్చు.
• కేఎంసీ మినహా మిగతా పరీక్షలన్నీ దాదాపుగా ఎం సెట్ తర్వాతే ఉంటాయి. కాబట్టి ఆయా పరీక్షల సిలబస్‌లో ఉండి, ఎంసెట్‌లో లేని అంశాలపై ఎంసెట్ పరీక్ష తర్వాత దృష్టి సారించడం ప్రయోజనకరం.

• గతంలో జాతీయ స్థాయి పరీక్షలకు మన సిలబస్‌కు మధ్య చాలా వ్యత్యాసం ఉండేది. ఎన్‌సీఈఆర్‌టీకి అనుగుణంగా జువాలజీ సిలబస్‌ను మార్చిన తర్వాత కొన్ని అంశాల సిలబస్ ఒకే విధంగా ఉందని చెప్పొచ్చు.
• ప్రశ్నించే విధానం, ప్రశ్నల క్లిష్టతలో తేడా ఉంటుంది.
• సీనియర్ విద్యార్థులు మన సిలబస్‌కు అదనంగా జాతీయ స్థాయి పరీక్షల్లో అదనంగా ఉన్న అంశాలపై ప్రిపరేషన్‌కు సంబంధించి మొదటి దశ కోసం ప్రస్తుత సమయాన్ని కేటాయించాలి. తర్వాత ఐపీఈ, ఎంసెట్ కోసం సన్నాహాలు సాగించాలి.
• ఎంసెట్ తర్వాత జాతీయ స్థాయి పరీక్షలకు ప్రిపరేషన్ సాగించాలి.
• జాతీయ స్థాయి పరీక్షలను దృష్టిలో ఉంచుకుని డయాగ్రమ్, అసెర్షన్-రీజనింగ్ ప్రశ్నలను ఎక్కువగా సాధన చేయాలి.