నిమ్‌సెట్-2014

డిగ్రీ తర్వాత సాఫ్ట్‌వేర్ రంగంలో స్థిరపడాలనుకుంటున్న యువతకు చక్కని అవకాశం.. నిమ్‌సెట్ (నిట్ కామన్ ఎంట్రన్స్ టెస్ట్).. దేశంలో ఐఐటీల తర్వాత సాంకేతిక విద్యకు ప్రామాణిక ఇన్‌స్టిట్యూట్‌లుగా పేరొందిన నిట్ (నేషనల్ ఇన్‌స్టిట్యూట్ ఆఫ్ టెక్నాలజీ) విద్యా సంస్థల నుంచి ఎంసీఏ కోర్సును పూర్తిచేసే అవకాశం కల్పిస్తోంది.. 2014-15 విద్యా సంవత్సరానికి నిమ్‌సెట్ నోటిఫికేషన్ వెలువడిన నేపథ్యంలో సంబంధిత వివరాలు..

11 నిట్‌లు 867 సీట్లు

ప్రవేశం:
మల్టిపుల్ చాయిస్ విధానంలో నిర్వహించే రాత పరీక్ష ఆధారంగా ప్రవేశం కల్పిస్తారు. ప్రశ్నపత్రం ఇంగ్లిష్ మాధ్యమంలో మాత్రమే ఉంటుంది. అభ్యర్థ్ధిలోని వెర్బల్ (శాబ్దిక), మ్యాథమెటికల్ (గణిత) నైపుణ్యాలను ఒక క్రమ పద్ధతిలో పరీక్షించడానికి ఉద్దేశించిన పరీక్ష ఇది. సాధారణంగా ఇటువంటి పరీక్షల్లో కచ్చితత్వానికి ప్రాధాన్యతనిస్తారు. ఇందులో నాలుగు విభాగాలు ఉంటాయి. మొత్తం 120 ప్రశ్నలు ఉంటాయి. ప్రతి ప్రశ్నకు నాలుగు మార్కులు. నెగిటివ్ మార్కింగ్ కూడా ఉంటుంది. ప్రతి తప్పు ప్రశ్నకు 1 మార్కు కోత విధిస్తారు. వివరాలు..

సమయం రెండు గంటలు

పిపరేషన్ ఇలా:
మ్యాథమెటిక్స్: ఇందులో డిగ్రీ స్థాయి సిలబస్ నుంచి ప్రశ్నలు వస్తాయి. సెట్ థియరీ, ప్రొబబిలిటీ అండ్ స్టాటిస్టిక్స్, ఆల్జీబ్రా, కో-ఆర్డినేట్ జ్యామెట్రీ, కాలిక్యులస్, వెక్టార్‌‌స, ట్రిగ్నోమెట్రీ వంటి అంశాలను సిలబస్‌లో పొందుపరిచారు. జాతీయ స్థాయి పరీక్ష కాబట్టి అప్లికేషన్ స్కిల్‌ను పరీక్షించే విధంగా ప్రశ్నలు రావచ్చు. కాబట్టి సాధ్యమైనంత వరకు ప్రాక్టీస్ చేయాలి. అంతేకాకుండా ఈ విభాగానికి అత్యధిక వెయిటేజీ ఇచ్చారు. డిగ్రీ అకాడమీ పుస్తకాలను చదవడం ప్రయోజనకరం.