బీటెక్ కాలేజీ, కోర్సు ఎంపికలో కీలకం.. న్యాక్, ఎన్‌బీఏ గుర్తింపు ఉందా?

వేల సంఖ్యలో ఇంజనీరింగ్, మేనేజ్‌మెంట్ కళాశాలలు. వాటిలో రకరకాల కోర్సులు. దాంతో మనం చేరాలనుకుంటున్న కోర్సుకు ఏ ఇన్‌స్టిట్యూట్ బెస్ట్ అనే సందేహం ఎదురవుతోంది! ఇలాంటి పరిస్థితుల్లో కోర్సు, కాలేజీ ఎంపికలో విద్యార్థులు న్యాక్, ఎన్‌బీఏ గుర్తింపును పరిగణనలోకి తీసుకోవాలన్నది నిపుణుల సలహా.

యూజీసీ ఆధ్వర్యంలో న్యాక్..
నేషనల్ అసెస్‌మెంట్ అండ్ అక్రెడిటేషన్(న్యాక్) కౌన్సిల్.. సంక్షిప్తంగా న్యాక్. జాతీయ స్థాయిలో యూనివర్సిటీలు, అటానమస్ ఇన్‌స్టిట్యూట్స్, డీమ్డ్ యూనివర్సిటీలు వంటి విద్యాసంస్థల నియంత్రణ, పర్యవేక్షణ చేపట్టే యూనివర్సిటీ గ్రాంట్స్ కమిషన్(యూజీసీ) ఆధ్వర్యంలో న్యాక్ పనిచేస్తుంది. ఆయా ఇన్‌స్టిట్యూట్‌లకు గుర్తింపు ఇచ్చేందుకు న్యాక్ పలు ప్రామాణికాలను పరిగణనలోకి తీసుకుంటుంది. దీని గుర్తింపుతో నిధుల కేటాయింపులో విద్యాసంస్థలకు ప్రత్యేక ప్రాధాన్యం లభిస్తుంది. అత్యున్నతమైన ప్రమాణాలు పాటిస్తుండటంతో న్యాక్ గుర్తింపు, గ్రేడింగ్ పొందిన ఇన్‌స్టిట్యూట్‌లలో విద్యార్థులకు టీచింగ్, లెర్నింగ్, రీసెర్చ్ వంటి విషయాల్లో ప్రయోజనం చేకూరుతుంది. ఫలితంగా విద్యార్థులకు భవిష్యత్తు అవకాశాలు మెరుగవుతాయి.

ఇంకా తెలుసుకోండి: part 2: బీటెక్ కాలేజీ, కోర్సులకు ఇచ్చే న్యాక్, ఎన్‌బీఏ గుర్తింపునకు పాటించే ప్రామణికాలు ఇవే?