బొమ్మను గీసి, ప్రాణం పోసె.. యానిమేషన్ అండ్ గేమింగ్’ కెరీర్

బొమ్మలు గీసి.. ‘ప్రాణం’ పోస్తే ఎలా ఉంటుంది? తనువు పులకరిస్తుంది.. మనసు ఉప్పొంగుతుంది. కళాకారుడి చేతి నుంచి జాలువారిన బొమ్మలకు అధునాతన సాంకేతిక పరిజ్ఞానం సహాయంతో ‘ప్రాణం’పోసి కదలికలు తెప్పించడం ‘యానిమేషన్’కే సాధ్యం.. ఈ కదిలే బొమ్మలు నేడు వినోద రంగంలో రూ. కోట్లు కుమ్మరిస్తున్నాయి. కుర్రకారుకు కలల కొలువులనూ సిద్ధంగా ఉంచుతున్నాయి. ఈ నేపథ్యంలో యానిమేషన్ అండ్ గేమింగ్’ కెరీర్‌పై స్పెషల్ ఫోకస్..

యానిమేషన్ రంగంలో రాణించాలంటే ఉండాల్సిన ప్రధాన అర్హతలు
1. సూక్ష్మ పరిశీలన
2. సృజనాత్మకత,
3. ఆధునిక సాంకేతిక పరిజ్ఞానంపై అభిరుచి

యానిమేషన్ అంటే జంతువులు, మనుషులు లేదా ఇంకేవైనా బొమ్మలను కంప్యూటర్ సాఫ్ట్‌వేర్ సహాయంతో కదిలిస్తూ సినిమాలు, గేమ్‌లు, యాడ్స్ వంటివి రూపొందించడమే. చిన్న పిల్లలకు బాగా సుపరిచితమైన మిక్కీమౌస్, డొనాల్డ్ డక్, టామ్ అండ్ జెర్రీ వంటివన్నీ యానిమేషన్ కళ నుంచి పుట్టినవే. యానిమేషన్‌ను కెరీర్‌గా ఎంచుకోవాలంటే కాసింత కళాపోషణ, సూక్ష్మ పరిశీలన, సృజనాత్మకత, సాంకేతిక పరిజ్ఞానంపై అభిరుచి ఉండాలి.

2డీ అండ్ 3డీ:
యానిమేషన్‌లో 2 డెమైన్షనల్ (2డీ), 3 డెమైన్షల్ (3డీ) ముఖ్యమైనవి. 2డీ కంటే 3డీ అధిక ప్రభావవంతమైంది. 3డీ యానిమేషన్‌లో మాయా సాఫ్ట్‌వేర్, 3డీ-మ్యాక్స్ సాఫ్ట్‌వేర్‌ల సహాయంతో కావాల్సిన క్యారెక్టర్‌ను డిజైన్ చేసి, యానిమేట్ చేయొచ్చు. మోడలింగ్, రెండరింగ్, టెక్చరింగ్ వంటివన్నీ ఈ సాఫ్ట్‌వేర్‌ల సహాయంతో పూర్తిచేయొచ్చు.

ఓ అభ్యర్థిని యానిమేషన్ రంగానికి సరిపడే విధంగా తీర్చిదిద్దేందుకు పలు రకాల కోర్సులు అందుబాటులో ఉన్నాయి. బేసిక్ స్కెచింగ్ నైపుణ్యాలు, ఆసక్తి ఉంటే ఎవరైనా ఈ కోర్సులు చేసి, ఉన్నత కెరీర్‌కు బాటలు వేసుకోవచ్చు. దేశంలో చాలా సంస్థలు యానిమేషన్ అండ్ గేమింగ్‌పై వివిధ రకాల కోర్సులను ఆఫర్ చేస్తున్నాయి.

కోర్సుల కోలాహలం..
యానిమేషన్, గేమింగ్ రంగంలో ఉద్యోగావకాశాలు పెరగడంతో సంస్థలు డిగ్రీ, డిప్లొమా, మాస్టర్ డిప్లొమా కోర్సులను అందిస్తున్నాయి.
కొన్ని సంస్థలు VFXతో కలిపి యానిమేషన్ కోర్సును అందిస్తుంటే, మరికొన్ని ప్రత్యేకంగా యానిమేషన్ అండ్ గేమింగ్‌లో కోర్సులను ఆఫర్ చేస్తున్నాయి.

ఇవీ కోర్సులు:

ప్రవేశాలు: ఎంట్రెన్స్ పరీక్ష ఆధారంగా.
వెబ్‌సైట్: www.jnafau.ac.in

యానిమేషన్, గేమింగ్ కోర్సుల్లో బోధించే అంశాలు:
యానిమేషన్ అండ్ గేమింగ్ కోర్సులో థియరీతో పాటు ప్రాక్టికల్స్ ఉంటాయి. లెర్నింగ్ బై డూయింగ్ విధానానికి ప్రాధాన్యం ఇస్తారు.

కెరీర్ గ్రాఫ్:
యానిమేషన్ అండ్ గేమింగ్‌లో కోర్సులు పూర్తిచేసి నైపుణ్యాలను సొంతం చేసుకున్న వారికి దేశ, విదేశాల్లో అనేక ఉద్యోగావకాశాలున్నాయి. ఫిల్మ్ స్టూడియోలు, అడ్వర్‌టైజింగ్ కంపెనీలు, టీవీ చానళ్లు, గేమింగ్ ఇండస్ట్రీ, విద్యా సంస్థలు (ఈ-లెర్నింగ్), సిమ్యులేషన్ ప్రాజెక్టుల్లో ఉద్యోగాలు లభిస్తాయి.

లభించే ఉద్యోగాలు:

3డీ యానిమేషన్ కోర్సులకు డిమాండ్
ప్రస్తుతం ఇంజనీరింగ్ కోర్సులతో సమానంగా యానిమేషన్ అండ్ గేమింగ్ కోర్సులకు డిమాండ్ ఉంది. Animation & VFX; Animation & Gaming; Advanced 3D Animation తదితర కోర్సులైపై ఎక్కువ మంది మొగ్గుచూపుతున్నారు. వివిధ సంస్థలు నాలుగేళ్ల వ్యవధిగల ఫ్రొఫెషనల్ డిగ్రీ ప్రోగ్రామ్‌లతో పాటు ఏడాది వ్యవధిగల డిప్లొమా కోర్సులను కూడా ఆఫర్ చేస్తున్నాయి. మరికొన్ని సంస్థలు ప్లేస్‌మెంట్స్ కల్పిస్తున్నాయి. సృజనాత్మక ఆలోచనలు, వాటిని అమల్లో పెట్టే చొరవ, కష్టపడి పనిచేసే తత్వం ఉన్నవారెవరైనా యానిమేషన్ రంగంలో ప్రవేశించి ఉన్నత స్థానాలను అందుకోవచ్చు. రాష్ట్రంలో గేమ్ సిటీ ఏర్పాటుకు ప్రభుత్వం ప్రయత్నాలు చేస్తోంది. అది వస్తే గేమింగ్ రంగంలో యువతకు ఉద్యోగావకాశాలు పుష్కలంగా ఉంటాయి.

సరిచూసుకొని చేరాలి
యానిమేషన్, గేమింగ్‌లో శిక్షణ ఇచ్చే సంస్థలు చాలా ఉన్నాయి. ఓ అభ్యర్థి కోర్సు చేసేందుకు ఎన్నుకునే సంస్థకు సంబంధించి కొన్ని జాగ్రత్తలు తీసుకోవాలి. సంస్థకు మార్కెట్లో ఉన్న పేరు, ఫ్యాకల్టీ, మౌలిక వసతులు, కోర్సు కరిక్యులం, చేపడుతున్న ప్రాజెక్టులు, ప్లేస్‌మెంట్స్ వంటి వాటిని పరిశీలించాలి.