ఆండ్రాయిడ్‌తో కొలువుల జోరు..

ఒకప్పుడు మొబైల్ అంటే మాటల ముచ్చట్లకే! కానీ, ఇప్పుడది హస్తాభరణమై భాసిల్లుతోంది. అందుకే నిన్నామొన్నటి వరకు మొరటుగా ఉన్న మొబైల్ ఇప్పుడు ‘స్మార్ట్ ఫోన్’గా ముస్తాబై యువత మనసుల్లో కొలువుదీరింది. ఇప్పుడు మార్కెట్లో అందుబాటులో ఉన్న స్మార్ట్ ఫోన్లు చాలా వరకు ఆండ్రాయిడ్, ఐఓఎస్ ఆపరేటింగ్ సిస్టమ్స్‌తో పనిచేస్తున్నాయి. ఇలాంటి పరిస్థితుల్లో ఆండ్రాయిడ్ నైపుణ్యాలను సొంతం చేసుకున్న యువతకు ఉన్నత కొలువులు ఆహ్వానం పలుకుతున్నాయి.

తొలుత టచ్‌స్క్రీన్ ఫోన్లు, తర్వాత ట్యాబ్లెట్ కంప్యూటర్ల కోసం ఆండ్రాయిడ్ ఓఎస్ (ఆపరేటింగ్ సిస్టమ్)కు రూపకల్పన చేశారు. ఇది రోజురోజుకూ అభివృద్ధి చెందుతూ స్మార్ట్ ఫోన్ల మార్కెట్లో విప్లవాత్మక మార్పులు తీసుకొచ్చింది. ఒక అధ్యయనం ప్రకారం ఈ ఏడాది మార్చి నాటికి గ్లోబల్ స్మార్ట్ ఫోన్ల మార్కెట్లో ఆండ్రాయిడ్‌తో పనిచేసే ఫోన్ల వాటా 64 శాతంగా ఉంది. ఇది రోజురోజుకూ పెరుగుతుండటంతో ఆండ్రాయిడ్ కోర్సు పూర్తిచేసిన వారికి జాబ్ మార్కెట్లో డిమాండ్ పెరుగుతోంది.

ఆప్స్‌ల లోకంలో కొలువుల జాతర:
మన మొబైల్‌కు ఓ వ్యక్తి నుంచి కాల్ వచ్చింది. మనకు కాల్ చేసిన వ్యక్తి ఏ ప్రాంతంలో ఉన్నాడో తెలుసుకోవాలనుకుంటే ఏం చేయాలి? దీనికో పరిష్కారం ఉంది.. వెంటనే ఇలాంటి సౌకర్యం ఉండే అప్లికేషన్ (ఆప్)ను మన మొబైల్లో ఇన్‌స్టాల్ చేసుకోవాలి. మన స్మార్ట్ ఫోన్ ఆండ్రాయిడ్ ఓఎస్‌తో పనిచేస్తున్నట్లయితే ఆండ్రాయిడ్ సాఫ్ట్‌వేర్ డెవలప్‌మెంట్ కిట్ ఆధారంగా అభివృద్ధి చేసిన ఆప్‌నే ఇన్‌స్టాల్ చేసుకోవాల్సి ఉంటుంది. ఇలా రకరకాల అవసరాల కోసం అభివృద్ధి చేసిన ఆప్స్ ఇప్పటికే బోలెడు అందుబాటులో ఉన్నాయి. ఇలాంటి కొత్త కొత్త ఆప్స్‌ను అభివృద్ధి చేయాలనుకుంటే ఆండ్రాయిడ్ కోర్సులో చేరి యువత నైపుణ్యాలను పెంచుకోవాల్సి ఉంటుంది.

ఆసక్తే అదనపు అర్హత:
మార్కెట్లో చాలా సంస్థలు ఆండ్రాయిడ్ కోర్సును ఆఫర్ చేస్తున్నాయి. సైన్స్/ఐటీ కోర్సుల్లో గ్రాడ్యుయేషన్ పూర్తిచేసిన వారు ఆండ్రాయిడ్ కోర్సులో చేరొచ్చు. అభ్యర్థులకు బేసిక్ జావా ప్రోగ్రామింగ్ స్కిల్స్ ఉండాలి. వీటితో పాటు ఎప్పటికప్పుడు సాంకేతిక పరిజ్ఞానంలో వస్తున్న మార్పులను తెలుసుకోవాలన్న ఆసక్తి కూడా అవసరం.

కోర్సు కాలం:
పలు ప్రైవేట్ సంస్థలు 30-45 రోజుల కాల పరిమితితో ఆండ్రాయిడ్‌కు సంబంధించిన వివిధ రకాల కోర్సులను ఆఫర్ చేస్తున్నాయి. సంస్థను అనుసరించి ప్రారంభ కోర్సుల్లో రూ.3 వేల నుంచి రూ.5 వేల వరకు ఫీజు ఉంటుంది.

కోర్సులో ఏమి నేర్పుతారు?
ఆండ్రాయిడ్ కోర్సులో భాగంగా హిస్టరీ ఆఫ్ ఆండ్రాయిడ్ నుంచి పబ్లిషింగ్ ఆండ్రాయిడ్ అప్లికేషన్స్ వరకు వివిధ అంశాల్లో శిక్షణ ఇస్తారు. అవి:

ఇతర కోర్సులతో ఉన్నత స్థానాలకు
ఆండ్రాయిడ్ కోర్సు చేసిన వారు ఒక్క ఆండ్రాయిడ్ మొబైల్ ఆప్స్ డెవలప్‌మెంట్‌కే పరిమితం కానవసరం లేదు. జీై మొబైల్ ఆపరేటింగ్ సిస్టమ్‌కు సంబంధించిన కోర్సు కూడా చేసి ఐఫోన్, ఐపాడ్‌లకు ఉపయోగపడే ఆప్స్‌ను కూడా అభివృద్ధి చేయొచ్చు. ఐఫోన్ ఆప్స్ అభివృద్ధికి సంబంధించిన కోర్సుల్లో చేరాలంటే బేసిక్ ైై్క పరిజ్ఞానం తప్పనిసరిగా ఉండాలి.

ఐఫోన్ ఆప్స్ కోర్సు కరిక్యులంలోని కొన్ని అంశాలు: