వ్యవసాయానికి రూ. 7,307 కోట్లు

Sakshi Education

2015-16 ఆర్థిక సంవత్సరానికి వ్యవసాయానికి రూ. 7,307 కోట్లు కేటాయిం చారు. ఇందులో ప్రణాళికేతర వ్యయం రూ. 5,905.03 కోట్లు కాగా, ప్రణాళిక వ్యయం రూ. 1,402.58 కోట్లుగా ఉంది.
గత ఆగస్టులో ప్రవేశపెట్టిన మధ్యంతర బడ్జెట్‌లో(8 నెలల కాలానికి) వ్యవసాయానికి ప్రణాళికా వ్యయం కింద రూ. 6,738.44 కోట్లు, ప్రణాళికేతర వ్యయం కింద రూ. 6,373.95 కోట్లను ప్రభుత్వం కేటాయించింది.
ఈ ఏడాది రూ. 4300 కోట్లను రుణమాఫీకి ఇచ్చారు. గత ఏడాది బడ్జెట్‌లో ఇచ్చిన రూ. 13 వేల కోట్లలో రూ. 5 వేల కోట్లు రుణమాఫీకి కేటాయించారు. ఇక మొత్తం రూ. 7,307 కోట్లలో రుణమాఫీ నిధులు పో ను వ్యవసాయం, దాని అనుబంధ రంగాలకు మిగి లేది రూ. 3,007 కోట్లు మాత్రమే.
విత్తన సబ్సిడీ కోసం రూ. 212 కోట్లు, వడ్డీలేని రుణాల కోసం రూ. 172 కోట్లను ప్రతిపాదించింది. గత ఏడాది కన్నా ఇది రూ. 40 కోట్లు తక్కువ. సాగునీటి శాఖకు రూ. 5,258 కోట్లు
- సీమ ఎత్తిపోతల పథకం ద్వారా 80 టీఎంసీల గోదావరి జలాలను కృష్ణా నదికి అనుసంధానం చేయనున్నారు. పట్టిసీమ ఎత్తిపోతలను రూ.1,300 కోట్ల తో ఏడాదిలో ప్రాజెక్టు పూర్తిచేస్తామని ప్రభుత్వం చెబుతోంది.
- సాగునీటి శాఖకు రూ. 5,258 కోట్లు కేటాయించారు. అందులో ప్రణాళికా వ్యయం రూ. 4,678.13 కోట్లు, ప్రణాళికేత వ్యయంగా రూ. 580 కోట్లుగా చూపించారు. ప్రాజెక్టులకు చేసిన కేటాయింపులు, విదేశీ సహాయం, కేంద్రం నిధులను ప్రణాళికా వ్యయంలో చూపించారు.
- బడ్జెట్‌లో పోలవరానికి రూ. 1032 కోట్ల కేటాయింపులు చేసింది. అయితే ఇందులో రూ. 257 కోట్లే రాష్ర్టం నుంచి అందుతాయి. మిగతా రూ. 775 కోట్లను కేంద్రం నుంచి వచ్చే ఏఐబీపీ నిధుల కింద రాష్ర్ట సర్కారు చూపించింది.

Published date : 14 Mar 2015 02:21PM