విద్యకు రూ.17,729 కోట్లు

Sakshi Education

బడ్జెట్‌లో విద్యారంగానికి 13.24 శాతం నిధులు కేటాయించింది. గత ఏడాది బడ్జెట్ కన్నా 1.98 శాతం మేర స్వల్పంగా పెంపుదల ఉంది
ఉన్నత విద్యకు మొత్తంగా చూస్తే రూ. 3,049 కోట్లు ప్రతిపాదించారు. ఇందులో ప్రణాళికేతర వ్యయమే రూ. 2,203.29 కోట్లు కాగా ప్రణాళికా వ్యయం రూ. 463.62 కోట్లు మాత్రమే.
గత ఏడాదిలో ఉన్నత విద్యకు ప్రణాళికేతర వ్యయం కింద రూ. 2,183.95 కోట్లు కేటాయించగా ఈసారి జీతభత్యాలు ఇతర వేతనాల్లో తేడా కారణంగా స్వల్పంగా పెంచారు.
ప్రణాళికా వ్యయం కింద గత ఏడాదిలో 157.73 కోట్లు కేటాయించగా ఈసారి దాన్ని రూ. 463.62 కోట్లకు పెంచారు.
కేంద్రప్రభుత్వ ప్రాయోజిత పథకమైన రాష్ట్రీయ ఉచ్ఛతార్ శిక్షా అభియాన్ (రూసా) కింద రావలసిన రూ. 1,747 కోట్లు ప్రతిపాదనలనూ ఈ బడ్జెట్లో చేర్చారు.
ప్రణాళికేతర వ్యయం కింద కళాశాల విద్యకు రూ. 726.25 కోట్లు, ఇంటర్మీడియెట్ విద్యకు రూ. 515.59 కోట్లు ఇచ్చారు. ప్రణాళికా వ్యయం కింద కళాశాల విద్యకు రూ. 30.81 కోట్లు, ఇంటర్ విద్యకు రూ. 69.60 కోట్లు కేటాయించారు.
కొత్తగా నైపుణ్యాల అభివృద్ధి కోసం ఏర్పాటు చేసిన విభాగానికి బడ్జెట్లో ప్రణాళిక పద్దు కింద రూ. 360 కోట్లు కేటాయించారు.
హిందీ అకాడమీకి రూ. 20 లక్షలు కేటాయించగా తెలుగు అకాడమీకి పైసా ఇవ్వలేదు.

పాఠశాల విద్యకు రూ.12,664.50 కోట్లు

పాఠశాల విద్యకు గతేడాది ప్రణాళికేతర వ్యయం కింద రూ.10,297.11 కోట్లు కేటాయించగా ఈసారి రూ.12,664.50 కోట్లను ప్రభుత్వం కేటాయించింది. గతేడాదితో పోలిస్తే ఈసారి రూ.2,367 కోట్లు అధికం.
పణాళికా వ్యయం గతేడాది రూ.1,706.56 కోట్లు కేటాయించగా ఈసారి రూ.2,297.72 కోట్లు ప్రతిపాదించారు. గతేడాదితో పోల్చితే రూ. 591.16 కోట్ల మేరకు పెరిగింది.

Tenth Class