పన్నుల ద్వారా రూ.7 వేల కోట్ల ఆదాయం

Sakshi Education

ప్రస్తుత ఆర్థిక సంవత్సరంతో పోల్చితే వచ్చే ఏడాదిలో పన్నుల ఆదాయం అదనంగా రూ.7 వేల కోట్లకు పైనే వస్తుందని బడ్జెట్‌లో వేసిన ప్రభుత్వ అంచనా.
తాజా బడ్జెట్‌లో రూ.7,300 రెవెన్యూ లోటు, ద్రవ్యలోటు రూ.17,584 కోట్లుగా అంచనా వేశారు. ప్రణాళిక, ప్రణాళికేతరలో మొత్తం రెవెన్యూ వ్యయం ఏకంగా రూ.97,224 కోట్లుగా పేర్కొన్నారు.
ప్రస్తుత బడ్జెట్‌లో యూజర్ చార్జీల ద్వారా రూ.500 కోట్లు, వ్యాట్ రూపంలో అదనంగా రూ.4 వేల కోట్లకు పైగా ఆదాయం వస్తుందని అంచనా వేశారు.
స్టాంప్స్ అండ్ రిజస్ట్రేషన్ల ద్వారా అదనంగా రూ.వెయ్యి కోట్ల ఆదాయం అంచనా.
పన్నేతర ఆదాయం రూ.5,341 కోట్లు వస్తుందని అంచనా వేశారు. ఇందులో గనుల రంగం ద్వారా రూ.1,359 కోట్లు, ఎర్ర చందనం విక్రయం, ఇతర అటవీ ఉత్పత్తుల ద్వారా రూ.1,072 కోట్లు వస్తాయని ప్రభుత్వం పేర్కొంది.
రూ.17,500 కోట్ల మేర అప్పులు చేయనున్నట్లు బడ్జెట్‌లో ప్రతిపాదించగా... ఆస్తుల కల్పనకు మాత్రం కేవలం రూ.9,818 కోట్లు ఖర్చు చేయనున్నారు.
కేంద్ర, రాష్ట్ర పన్నుల ద్వారా రూ.67,061 కోట్ల ఆదాయం వస్తుందని అంచనా వేశారు. ప్రస్తుత ఆర్థిక సంవత్సరంలో కేంద్ర, రాష్ట్ర పన్నుల ద్వారా రూ.55,313 కోట్లు వచ్చినట్లు పేర్కొన్నారు.
2014-15 బడ్జెట్ ప్రవేశపెట్టిన సమయంలో ద్రవ్యలోటు రూ.12,064 కోట్లు ఉంటుందని అంచనా వేశారు. ఇది రాష్ట్ర స్థూల ఉత్పత్తిలో 2.30 శాతం. సవరించిన అంచనాల మేరకు ద్రవ్యలోటు రూ.20,320 కోట్లకు చేరిందని, ఇది రాష్ట్ర స్థూల ఉత్పత్తిలో 3.88 శాతం.
ద్రవ్య జవాబుదారీ బడ్జెట్ నిర్వహణ చట్టం (ఎఫ్‌ఆర్‌బీఎం) నిబంధనల మేరకు ద్రవ్య లోటు మూడు శాతానికి మించకూడదు.

Tenth Class