బీసీ సంక్షేమానికి రూ.3,231.83 కోట్లు

Sakshi Education

బీసీ సంక్షేమ శాఖకు 2015-16 బడ్జెట్‌లో రూ.3,231.83 కోట్లు కేటాయించారు. 2014-15 బడ్జెట్ (రూ. 3,130.24) కంటే ఇది ఎక్కువ.
సాంఘిక సంక్షేమ శాఖకు రూ.2,692.61 కోట్లు కేటాయించారు. 2014-15 ఆర్థిక సంవత్సరం కేటాయింపులకన్నా కేవలం రూ.35.67కోట్లు మాత్రమే అధికం.
గిరిజన సంక్షేమానికి రూ.111.73 కోట్ల మేర కేటాయింపులు తగ్గిపోయాయి. గత బడ్జెట్‌లో గిరిజన సంక్షేమానికి రూ.1150.03కోట్లు కేటాయించగా ప్రస్తుత బడ్జెట్‌లో రూ.1038.30 కోట్లు మాత్రమే కేటాయిం చారు.
మైనార్టీ సంక్షేమానికి కేటాయింపులు స్వల్పంగా (రూ.8 కోట్లు) పెంచారు.
మహిళ, శిశు, వికలాంగ సంక్షేమ శాఖకు రూ.1,137.51కోట్లు కేటాయించారు. గత బడ్జెట్ కేటాయింపుకన్నా ఇది రూ.5.51కోట్లు ఎక్కువ.

ఫించన్లకు రూ.3,741 కోట్లు

రాష్ట్రంలో ప్రస్తుతమున్న 40.88 లక్షల పింఛనుదారులకు డబ్బులివ్వడానికి ఏడాదికి రూ.5,400 కోట్లు అవసరం. గ్రామీణాభివృద్ధిశాఖ అధికారులు సైతం ఈ ఏడాది పింఛన్లకు బడ్జెట్‌లో 5,593 కోట్లు అవసరమని నివేదికలిచ్చారు. అయితే ప్రస్తుత బడ్జెట్‌లో 3,741 కోట్లు మాత్రమే పెట్టారు.

ఇప్పుడున్న వారికివ్వాలన్నా అవసరమున్న నిధులు	: రూ. 5,400 కోట్లు
గ్రామీణాభివృద్ధి శాఖ కోరింది	: రూ. 5,593 కోట్లు
ప్రభుత్వం బడ్జెట్‌లో పెట్టింది	: రూ. 3,741 కోట్లు
(ఈ ఏడాది అదనంగా లక్ష పింఛన్లు మంజూరు చేస్తామని ప్రకటించింది)