బడ్జెట్ ముఖ్యాంశాలు

Sakshi Education

2015-16 ఆర్థిక సంవత్సరంలో పన్నుల రాబడి రాష్ట్ర స్థూల ఉత్పత్తిలో 7.89% ఉంటుందని, 2019-20 ఆర్థిక సంవత్సరంలో 8.41%గా ఉంటుందని 14వ ఆర్థిక సంఘం అంచనా. తెలంగాణలో 9.99%, 10.26%గా ఉంటుందని అంచనా.
బడ్జెట్ పరిమాణం గతేడాది కంటే కేవలం 1.1% అధికం. కానీ ప్రణాళికా వ్యయం 29.02% పెరిగింది. ప్రణాళిక, ప్రణాళికేతర రెవెన్యూ వ్యయం తగ్గింది.
తలసరి ఆదాయం 2018-19 నాటికి రెట్టింపవుతుందని అంచనా.
పాఠశాల విద్యకు కేటాయింపులను 11.26% నుంచి 13.24 శాతానికి పెంచారు.
ప్రాథమిక, ఉన్నతస్థాయి ఆరోగ్య సేవలను అందరికీ అందుబాటులోకి తీసుకువచ్చి మాతా శిశుమరణాలను తగ్గించడానికి వైద్య రంగానికి కేటాయింపులను 3.92% నుంచి 5.07 శాతానికి పెంచారు.
అన్ని సంక్షేమ పథకాలు, కార్యక్రమాలను ఆధార్‌తో అనుసంధించే ప్రక్రియలో రాష్ర్టం ముందంజలో ఉంది.
అత్యవసర సేవలను సమర్థంగా అమలు చేయడానికి మెడికల్, పారామెడికల్, టీచర్లు, ఇంజనీర్లు, పోలీసు, హోంగార్డు ఉద్యోగాల భర్తీకి చర్యలు చేపట్టనున్నారు.
ఎస్సీ, ఎస్టీ సబ్‌ప్లాన్ కేటాయింపులు బడ్జెట్‌లో 22.61 %గా ఉన్నాయి.
కాపుల సంక్షేమానికి రూ. 100 కోట్లు, బ్రాహ్మణుల సంక్షేమానికి రూ. 35 కోట్లు కేటాయించారు.
రుణమాఫీకి వీలుగా రైతు సాధికార సంస్థకు 5 వేల కోట్లు విడుదల.
7,748 గ్రూపులకు చెందిన 20,747 మంది నేత కార్మికుల రుణాల మాఫీకి రూ. 169 కోట్లు అవసరమని అంచనా.
వచ్చే విద్యా సంవత్సరానికి ఐఐఎం, ఐఐటీ, ఐఐఎస్‌ఈఆర్, ట్రిపుల్‌ఐటీ, ఎన్‌ఐటీ, సెంట్రల్, పెట్రోలియం, వ్యవసాయ, గిరిజన విశ్వవిద్యాలయాల ఏర్పాటుకు ప్రయత్నాలు జరుగుతున్నాయి.
ఉన్నత విద్యలో నాణ్యతను పెంపొందించడానికి రాష్ట్రస్థాయి ‘అసెస్‌మెంట్, అక్రిడిషన్ కౌన్సిల్’ను నెలకొల్పనున్నారు.
పరిశోధన రంగాన్ని ప్రోత్సహించడానికి ‘ఏపీ రీసెర్చ్ బోర్డ్’ను ఏర్పాటు చేయనున్నారు.
సంక్షేమ పెన్షన్లకు రూ.3,741 కోట్లు, స్కాలర్‌షిప్‌లు, ఫీజు రీయింబర్స్‌మెంట్‌కు రూ.2,645 కోట్లు ప్రతిపాదించారు.
సాగునీటి ప్రాజెక్టుల పనుల కోసం రూ.4,580 కోట్లు కేటాయించారు.
విద్యారంగానికి ప్రస్తుత ఆర్థిక సంవత్సరంలో రూ.14,265 కోట్లు కేటాయించగా.. వచ్చే ఆర్థిక సంవత్సరానికి రూ.17,729 కోట్లు ప్రతిపాదించారు.
ప్రస్తుత ఆర్థిక సంవత్సరంలో అరోగ్య రంగానికి రూ.4,134 కోట్లు కేటాయించగా వచ్చే ఆర్థిక సంవత్సరంలో రూ.5,363 కోట్లు కేటాయించారు.
ప్రజారోగ్యానికి ప్రస్తుత ఆర్థిక సంవత్సరంలో రూ.497 కోట్లు కేటాయించగా వచ్చే ఆర్థిక సంవత్సరానికి రూ.296 కోట్లే ప్రతిపాదించారు.
పౌరసరఫరాలకు గతేడాది బడ్జెట్‌లో రూ.2,318 కోట్లు ఇవ్వగా, ప్రస్తుత బడ్జెట్‌లో రూ.2,459 కోట్లు కేటాయించారు.గతేడాది కేటాయించిన నిధులతో పోల్చి చూస్తే కేవలం రూ.141 కోట్లే అదనం.
ఆరోగ్యశ్రీకి రూ.800 కోట్లు అవసరమని ప్రతిపాదించగా బడ్జెట్‌లో కేవలం రూ.500 కోట్లే కేటాయించారు.
45 కాలేజీల్లో ఇంగ్లీష్ ల్యాబ్ ఏర్పాటుతో పాటు వివిధ సంస్థలతో కాలేజీలను అనుసంధానించడం ద్వారా విద్యలో నాణ్యతను మెరుగుపరచడానికి చర్యలు.
33,252 ఎకరాల విస్తీర్ణంలో రైతుల సమ్మతితోనే రాజధాని నిర్మాణం జరగుతోంది. 87% మంది రైతులు భూ సేకరణకు అంగీకరించారు.
పన్నులద్వారా ఆదాయాన్ని పెంచలేం. అందువల్ల పన్నేతర ఆదాయం.. అంటే ఎర్రచందనం అమ్మకం, ఖనిజాల వెలికితీత ద్వారా ఆదాయం పెంచుకోవాలని చూస్తున్నారు.
రాజధాని నిర్మాణానికి రూ.వెయ్యికోట్లు ప్రతిపాదించాలని పట్టణాభివృద్ధిశాఖకు సూచిస్తే వారు రూ.300 కోట్లు మాత్రమే ప్రతిపాదించారు.
పోలవరం ప్రాజెక్టుకు రూ.వెయ్యికోట్లు కేటాయించారు.