Education: ‘డిజిటల్‌’ స్థాయికి విద్యా రంగం

ఆధునిక భావాలు, అధునాతన విద్యా విధానాలపై అవగాహన ఉన్న వైఎస్‌ జగన్‌మోహన్‌ రెడ్డి ముఖ్యమంత్రి అయిన తర్వాత రాష్ట్రంలో విద్యారంగం తీరుతెన్నులు మరాయి. ఓ వైపు ‘మన బడి నాడు­–నేడు’ కార్యక్రమం ద్వారా పాఠశాలలను మెరుగు పరుస్తూనే, మరోవైపు ఆధునిక విద్యా విధానానికి శ్రీకారం చుట్టారు. విద్యా విధానంలో సమూల మార్పులు తెస్తున్నారు. ప్రభుత్వ చర్యలతో 2022లో విద్యా రంగం మరో ముందడుగు వేసింది. చిన్నారు­లకు పునాది స్థాయి నుంచే అభ్యసన సామర్థ్యాలను మెరుగుపర్చేందుకు సాంకేతికతను, డిజిటల్‌ సాధనాలను సమర్థంగా వినియోగించుకొనేందుకు ప్రభుత్వం డిజిటల్‌ విద్యా విధానానికి శ్రీకా­రం చుట్టింది. విద్యార్థులను ప్రపంచ పౌరులుగా తీర్చిదిద్ది వారు జాతీయ, అంతర్జాతీయ స్థాయిలో అవకాశాలను అందిపుచ్చుకొనేలా చర్యలు తీసుకుంది. 

చదవండి: ఆదివాసి విద్యార్థికి అరుదైన అవకాశం..

ట్యాబులు, స్మార్ట్‌ టీవీలు, వాల్‌టాప్‌ కంప్యూటర్లు 

రాష్ట్రంలో శాటిలైట్‌ ఫౌండేషన్‌ స్కూళ్ల నుంచి ఉన్నత పాఠశాలల వరకు అధునాతన పరికరాలను ప్రభుత్వం అందుబాటులోకి తెస్తోంది. స్మార్ట్‌ టీవీలు, వాల్‌టాప్‌ కంప్యూటర్లు, ఇంటరాక్టివ్‌ ఫ్లాట్‌ ప్యానెల్‌ (ఐఎఫ్‌పీ), ప్రొజెక్టర్‌ బేస్డ్‌ డీసీఆర్‌లను నెలకొల్పుతోంది. 50 వేలకు పైగా శాటిలైట్‌ ఫౌండేషన్‌ స్కూళ్లు, ఫౌండేషన్‌ స్కూళ్లు, ఫౌండేషన్‌ ప్లస్‌ స్కూళ్లు, హైస్కూల్, హైస్కూల్‌ప్లస్‌ స్కూళ్లలో ఈ డిజిటల్‌ పరికరాలు ఏర్పాటు చేస్తున్నారు. తరగతి గదులను డిజిటలీకరణ చేస్తున్నారు. విద్యార్థులను అత్యున్నత సామర్థ్యాలతో తీర్చిదిద్దేందుకు సీబీఎస్‌ఈ విధానాన్ని ప్రవేశపెట్టింది. 2022లో 1,000 స్కూళ్లకు సీబీఎస్‌ఈ గుర్తింపు కూడా వచ్చింది. మిగతా స్కూ­ళ్లకూ గుర్తింపు వచ్చేలా చర్యలు చేపట్టారు. డిజిటల్‌ తరగతులు ఏర్పాటు చేయించి ఆధునిక ఈ–కంటెంట్‌ ద్వారా బోధన కొనసాగిస్తున్నారు. ప్రభుత్వ పాఠశాలల్లో 4 నుంచి 10 వ తరగతి వరకు దాదాపు 32 లక్షల మంది విద్యార్థులకు బైజూస్‌ సంస్థ ఈ–కంటెంట్‌ను కూడా ప్రభుత్వం ఉచితంగా అందుబాటులోకి తెచ్చింది. తల్లిదండ్రుల స్మార్ట్‌ ఫోన్లలో బైజూస్‌ యాప్‌ ద్వారా ఈ– కంటెంట్‌ను డౌన్‌లోడ్‌ చేయించింది. దీనివల్ల స్కూళ్లలోనే కాకుండా ఇంటి వద్ద కూడా బాలలు వాటిని చదివేలా చేస్తున్నారు. ఏవైనా సందేహాలున్నా తిరిగి వెనక్కి వెళ్లి ఈ–కంటెంట్‌ను చూసుకొనే వెసులుబాటు ఉండటంతో విద్యార్థులు కూడా ఉత్సాహంగా చదువుకోగలుగుతున్నారు. 

చదవండి: TSBIE: ఇంగ్లిష్‌కూ ప్రాక్టికల్స్‌!

విద్యార్థులు, టీచర్లకు ట్యాబుల పంపిణీ 

సీబీఎస్‌ఈ విధానం, డిజిటల్‌ విద్యలో భాగంగా ప్రభుత్వ పాఠశాలల్లోని 5.18 లక్షల మంది 8వ తరగతి విద్యార్థులకు, ఆ తరగతి టీచర్లకు బైజూస్‌ కంటెంట్‌తో కూడిన ట్యాబులను ప్రభుత్వం ఉచితంగా అందించింది. ఒక్కో ట్యాబు ఖరీదు రూ.16 వేలు కాగా బైజూస్‌ కంటెంట్‌కు ఆ సంస్థ బయటి మార్కెట్లో ధర ఒక్కో విద్యార్థికి రూ.16 వేలు అవుతుంది. ఈలెక్కన ఒక్కో విద్యార్థికీ రూ.32 వేలు విలువైన ట్యాబు, కంటెంట్‌ ఉచితంగా ప్రభుత్వం అందించింది. డిసెంబర్‌ 21న బాపట్ల జిల్లా యడ్లపల్లి జడ్పీ హైస్కూలులో సీఎం వైఎస్‌ జగన్‌ ఈ ట్యాబుల పంపిణీ ప్రారంభించారు.

చదవండి: యూత్‌ పార్లమెంట్‌లో తెలంగాణ విద్యార్థిని

డిజిటల్‌ విద్యా విధానంతో ఎన్నో ప్రయోజనాలు 

• బోధనాభ్యసన ప్రక్రియల్లో విద్యార్థులు     చురుగ్గా పాల్గొంటారు
• సంప్రదాయ అభ్యసన విధానంలో విద్యార్థి ఏదైనా ఒక రోజు దాన్ని కోల్పోతే మరునాటి నుంచి అభ్యసనంలో వెనుకబడతాడు. డిజిటల్‌ విద్యా విధానంలో ఎక్కడి నుంచైనా ఆయా అభ్యాసాలను నేర్చుకోవచ్చు
• డిజిటల్‌ విద్యాభ్యాసంలో విద్యార్థుల అభ్య­సన వేగం, సామర్థ్యాలకు అనుగుణంగా స్టడీ మెటీ­రియల్‌ను సరళీకరించడానికి ఉపాధ్యా­యులకు అవకాశమిస్తుంది
• విద్యార్థులు తెలివిని పెంచుకోగలుగుతారు. వారంతట వారే కొత్త అంశాలను డిజిటల్‌ విధానంలో నేర్చుకోగలుగుతారు.
• వారికి అవసరమైన అంశాలను ఆన్‌లైన్‌లో       వనరులను శోధించడం, అధ్యయనం చేయడం ద్వారా అభివృద్ధి సాధిస్తారు.
• సంప్రదాయ విద్యా విధానంలో ఉండే పు­స్త­కాల బరువు డిజిటల్‌ విధానంలో ఉండదు
• పాఠ్యాంశాలు కూడా ఎప్పటికప్పుడు అప్‌డేట్‌ అవుతుంటాయి
• విద్యార్థులు ప్రపంచ స్థాయిలో పోటీ పడేలా రూపుదిద్దుకుంటారు. భవిష్యత్తులో వృత్తి, ఉ­ద్యోగాల్లో ఉన్నతావకాశాలను పొందుతారు.