Asian Champions Trophy: ఆసియా చాంపియన్స్ ట్రోఫీలో సెమీఫైనల్‌కి చేరిన భారత్‌
న‌వంబ‌ర్ 20వ తేదీ మాజీ చాంపియన్‌ జపాన్‌తో డిఫెండింగ్‌ చాంపియన్‌ భారత్‌ సెమీఫైనల్లో తలపడనుంది.
సెమీఫైనల్లో పారిస్‌ ఒలింపిక్స్‌ రజత పతక విజేత చైనాతో మలేసియా పోటీపడుతుంది. సొంతగడ్డపై జరుగుతున్న ఈ టోర్నీలో భారత జట్టు ఆద్యంతం ఆధిపత్యం చలాయించింది. లీగ్‌ దశలో భారత్‌ మొత్తం 26 గోల్స్‌ సాధించి ప్రత్యర్థి జట్లకు కేవలం 2 గోల్స్‌ మాత్రమే సమర్పించుకుంది. ‘డ్రాగ్‌ ఫ్లికర్‌’ దీపిక ఏకంగా 10 గోల్స్‌తో అదరగొట్టింది. సంగీత కుమారి నాలుగు గోల్స్‌.. ప్రీతి దూబే మూడు గోల్స్‌ చేశారు.
లాల్‌రెమ్‌సియామి, మనీషా చౌహాన్, నవ్‌నీత్‌ కౌర్‌ రెండు గోల్స్‌ చొప్పున సాధించారు. ఉదిత, కెప్టెన్‌ సలీమా టెటె, బ్యూటీ డుంగ్‌డుంగ్‌ ఒక్కో గోల్‌ చేశారు. మరోవైపు జపాన్‌ జట్టు ఓవరాల్‌గా 6 గోల్స్‌ మాత్రమే చేసింది. ఈ నేపథ్యంలో భారత్‌ తమ సహజశైలిలో ఆడితే వరుసగా ఆరో విజయంతో ఐదోసారి ఈ టోర్నీలో టైటిల్‌ పోరుకు చేరుకుంటుంది.
WPL 2025: మహిళల ఐపీఎల్‌ 2025 రిటెన్షన్ జాబితా విడుదల
ఇప్పటి వరకు.. ఆసియా చాంపియన్స్ ట్రోఫీ ఏడుసార్లు జరగ్గా.. భారత జట్టు రెండుసార్లు చాంపియన్‌గా (2016, 2023) నిలిచి, మరో రెండుసార్లు (2013, 2018) రన్నరప్‌తో సరిపెట్టుకుంది. జపాన్‌ జట్టు మూడుసార్లు (2010, 2013, 2023) ఫైనల్‌కు చేరుకొని ఒకసారి (2010లో) విజేతగా నిలిచి, రెండుసార్లు తుది పోరులో ఓడిపోయింది.