Mukesh Ambani How Much Earns Per Day: ముఖేష్‌ అంబానీ రోజుకు ఎంత సంపాదిస్తున్నారో తెలుసా?

రిలయన్స్ ఇండస్ట్రీస్ ఛైర్మన్, ఎండీ ముఖేష్ అంబానీ భారతదేశంలోనే కాకుండా ఆసియాలోనే అత్యంత ధనవంతుడు. అతని నికర విలువ సుమారు $116 బిలియన్లుగా అంచనా. బ్లూమ్‌బెర్గ్ బిలియనీర్స్ ఇండెక్స్ ప్రకారం, అతను ప్రస్తుతం ప్రపంచంలోని 12వ అత్యంత సంపన్న వ్యక్తి. అతని తర్వాత, గౌతమ్ అదానీ $ 104 బిలియన్ల నికర విలువతో ఈ జాబితాలో ఉన్నారు. అయితే భారతదేశంలోని అత్యంత ధనవంతుడు ముఖేష్ అంబానీ రోజుకు ఎంత సంపాదిస్తున్నారని మీరు ఎప్పుడైనా ఆలోచించారా? దీని గురించిన సమాచారాన్ని తెలుసుకుందాం.

Free Training: Tally లో ఉచిత శిక్షణ జీతం 15వేలు: Click Here

యాంటిలియా విలువ ఎంత అంటే
ముఖేష్ అంబానీ సంపదను అంచనా వేయవచ్చు. ఒక భారతీయుడు ప్రతి సంవత్సరం రూ. 4 లక్షలు సంపాదిస్తే, రిలయన్స్ ఇండస్ట్రీస్ ఛైర్మన్ ప్రస్తుత సంపదకు చేరుకోవడానికి 1.74 కోట్ల సంవత్సరాలు పడుతుంది. ఇది దాదాపు అసాధ్యం. నివేదికల ప్రకారం.. ముఖేష్ అంబానీ ప్రతి సంవత్సరం దాదాపు 15 కోట్ల రూపాయల జీతం తీసుకునేవారు. కానీ, కరోనా తర్వాత జీతం తీసుకోవడం లేదు. ఇదిలావుండగా ఆయన రోజుకు రూ.163 కోట్లు సంపాదిస్తున్నారు. ఈ డబ్బు అతనికి రిలయన్స్ ఇండస్ట్రీస్‌లో వాటా నుండి వస్తుంది. రిలయన్స్ ఇండస్ట్రీస్ పెట్రోకెమికల్, ఆయిల్, టెలికాం, రిటైల్ వంటి అనేక రంగాలలో వ్యాపారాన్ని విస్తరించింది. ఇది కాకుండా, అతను ముంబైలోని తన ఇల్లు యాంటిలియాతో సహా రియల్ ఎస్టేట్‌లో చాలా ప్రదేశాలలో పెట్టుబడి పెట్టాడు. యాంటిలియా విలువ దాదాపు రూ.15 వేల కోట్లు ఉంటుందని అంచనా.

యావత్ ప్రపంచాన్ని ఆశ్చర్యపరిచాడు
2020 నాటికి ముఖేష్ అంబానీ ప్రతి గంటకు రూ.90 కోట్లు సంపాదించారు. మరోవైపు, భారతదేశంలో దాదాపు 24 శాతం మంది ప్రజలు నెలకు రూ.3000 మాత్రమే సంపాదించగలుగుతున్నారు. అంబానీ కుటుంబ కార్యక్రమాలు కూడా వారి హోదాకు తగ్గట్టుగానే ఉంటాయి. ఈ ఏడాది తన చిన్న కొడుకు అనంత్ అంబానీ పెళ్లికి దాదాపు రూ.5000 కోట్లు వెచ్చించి యావత్ ప్రపంచాన్ని ఆశ్చర్యపరిచాడు. ఈ పెళ్లికి సంబంధించిన ప్రీ వెడ్డింగ్, పోస్ట్ వెడ్డింగ్ కార్యక్రమాలు కూడా చర్చనీయాంశమయ్యాయి. ఇది కాకుండా, సుమారు రూ. 1000 కోట్ల విలువైన బోయింగ్ 737 మ్యాక్స్‌ను కూడా తన జాబితాలో చేర్చుకున్నారు.